അശ്ലീല വിഡിയോ; ദാമൻ–ദിയു ബി.ജെ.പി അധ്യക്ഷൻ രാജിവെച്ചു

ദാമൻ: മുൻ എം.പിയും കേന്ദ്രഭരണ പ്രദേശമായ ദാമൻ-ദിയുവിലെ ബി.ജെ.പി അധ്യക്ഷനുമായ ഗോപാൽ ടൻഡെൽ രാജി​െവച്ചു. ഇദ്ദേഹത്ത ി​േൻറതെന്ന പേരിൽ യുവതിയുമൊത്തുള്ള അശ്ലീല വിഡിയോ സമൂഹമാധ്യമങ്ങളിൽ പ്രചരിച്ചതിനെ തുടർന്നാണു രാജി. ബി.ജെ.പി ദേശീയ അധ്യക്ഷൻ അമിത് ഷാക്ക്​ ഗോപാൽ രാജിക്കത്തു സമർപ്പിച്ചതായി പാർട്ടി ജനറൽ സെക്രട്ടറി വസുഭായ് പട്ടേൽ അറിയിച്ചു.

ദാമൻ-ദിയു ബി.ജെ.പി അധ്യക്ഷ സ്ഥാനത്തേക്ക്​ അടുത്ത ആഴ്​ച തെരഞ്ഞെടുപ്പ്​ നടക്കാനിരിക്കെയാണ്​ വിഡിയോ പ്രചരിച്ചത്​. താൻ വീണ്ടും തെരഞ്ഞെടുക്കപ്പെടാതിരിക്കാനായി പാർട്ടിയിലുള്ളവർതന്നെയാണ്​ ത​​​െൻറ മുഖം മോർഫ് ചെയ്തു ചേർത്ത വ്യാജ വിഡിയോ പ്രചരിപ്പിച്ചതെന്ന്​ ​ഗോപാൽ ആരോപിച്ചു. നേരത്തേ കോൺഗ്രസിലും എൻ.സി.പിയിലും പ്രവർത്തിച്ച ഗോപാൽ നാലുവർഷം മുമ്പാണ്​ ബി.ജെ.പിയിലെത്തിയത്​.