You are here

രാജിക്കൊരുങ്ങി ബി.ജെ.പി ഡൽഹി അധ്യക്ഷൻ; ഇപ്പോൾ വേണ്ടെന്ന്​ നേതൃത്വം  

ഡൽഹി: നിയമസഭ തെരഞ്ഞെടുപ്പിലേറ്റ കനത്ത പരാജയത്തി​ന്‍റെ ഉത്തരവാദിത്തം ഏറ്റെടുത്ത്​ ബി.​െജ.പി ഡൽഹി അധ്യക്ഷൻ മനോജ്​ തിവാരി രാജിക്കത്ത്​ നൽകി. എന്നാൽ, രാജി തള്ളിയ പാർട്ടി നേതൃത്വം, തൽസ്​ഥാനത്ത്​ തുടരാൻ അദ്ദേഹത്തോട്​ ആവശ്യപ്പെട്ടു.

 

രണ്ട്​ മാസത്തിനുള്ളിൽ നടക്കുന്ന പാർട്ടി സംഘടന തെരഞ്ഞെടുപ്പിൽ ഡൽഹിയിൽ പുതിയ അധ്യക്ഷനെ കണ്ടെത്തുമെന്നാണ്​ സൂചന. അതുവരെ അദ്ദേഹം തുടർന്നേക്കും. ഡൽഹി തെരഞ്ഞെടുപ്പ്​ കാരണം സംഘടന തെരഞ്ഞെടുപ്പ്​ മാറ്റിവെക്കു​കയായിരുന്നു.

ഡൽഹി തെരഞ്ഞെടുപ്പ്​ പ്രചാരണം നയിച്ചത്​ മനോജ്​ തിവാരിയായിരുന്നു. പരാജയ കാരണങ്ങൾ എന്താണെന്ന്​ പാർട്ടി വിലയിരുത്തുമെന്ന്​ അദ്ദേഹം കഴിഞ്ഞ ദിവസം വ്യക്​തമാക്കിയിരുന്നു. ബോജ്​പുരി ഗായകനായിരുന്ന ​അദ്ദേഹം രാഷ്​ട്രീയ പ്രവേശന ശേഷം 2016ലാണ്​ ബി.ജെ.പിയുടെ ഡൽഹി അധ്യക്ഷനായത്​.

പാർട്ടിക്കുള്ളിൽ നിരവധി എതിർപ്പുകൾ ഉണ്ടായിട്ടും വളരെ പെ​ട്ടെന്നാണ്​ നേതൃസ്​ഥാനത്തേക്ക്​ ഉയർന്നത്​. എന്നിരുന്നാലും വോട്ടർമാർക്കിടയിൽ കാര്യമായ സ്വാധീനം ചെലുത്താൻ കഴിഞ്ഞില്ല.

Loading...
COMMENTS