മോദിക്ക് പിന്നാലെ അമിത് ഷായും കോവിഡ് വാക്സിൻ സ്വീകരിച്ചു

ന്യൂഡൽഹി: പ്രധാനമന്ത്രി നരേന്ദ്ര മോദിക്ക് പിന്നാലെ കേന്ദ്ര ആഭ്യന്തരമന്ത്രി അമിത് ഷായും കോവിഡ് വാക്സിൻ ആദ്യ ഡോസ് സ്വീകരിച്ചു. ഗുരുഗ്രാമിലെ മെദാന്ത ആശുപത്രിയിലാണ് അമിത് ഷാ വാക്സിൻ സ്വീകരിച്ചത്. വിദേശകാര്യ മന്ത്രി എസ്. ജയ്ശങ്കറും വാക്സിൻ സ്വീകരിച്ചു.

ഇന്ന് രാവിലെയാണ് ഡൽഹി എയിംസ്​ ആശുപത്രിയിൽ നിന്ന്​ പ്രധാനമന്ത്രി നരേന്ദ്ര മോദി ആദ്യ ഡോസ് വാക്സിൻ​ സ്വീകരിച്ചത്​. ഇന്ത്യ തദ്ദേശീയമായി വികസിപ്പിച്ച കോവാക്സീനാണ് മോദി സ്വീകരിച്ചതെന്ന്​ വാർത്താ ഏജൻസികൾ റിപ്പോർട്ട്​ ചെയ്​തു. രാജ്യത്തെ മുഴുവൻ പൗരന്മാരും വാക്​സിൻ സ്വീകരിക്കണമെന്ന്​ പ്രധാനമന്ത്രി ആഭ്യർഥിച്ച​ു. നമ്മ​ുടെ ​േഡാക്​ടർമാരും ശാസ്​​ത്രജ്ഞൻമാരും കോവിഡ്​ 19 നെതിരെ നടത്തുന്ന പോരാട്ടം സ്​തുത്യർഹമാണെന്ന്​ അദ്ദേഹം ട്വീറ്റ്​ ചെയ്​തു.

രാജ്യത്ത് സർക്കാർ ആശുപത്രികൾ മുഖേന ഇന്ന്​ മുതൽ സൗജന്യ വാക്​സിൻ വിതരണം ആരംഭിച്ചിരിക്കുകയാണ്. 60 വയസിന്​ മുകളിൽ പ്രായമായവർക്ക്​​ പുറമേ മറ്റ്​ രോഗങ്ങളുള്ള 45 വയസിന്​ മുകളിൽ പ്രായമുള്ളവർക്കുമായിരിക്കും പ്രഥമ പരിഗണന. ഈ ഘട്ടത്തിൽ 27 കോടിയാളുകളിലേക്ക്​ വാക്​സിൻ എത്തിക്കാനാകുമെന്നാണ്​ സർക്കാർ കണക്ക്​കൂട്ടുന്നത്​. ആദ്യ ഘട്ടത്തിൽ ആരോഗ്യപ്രവർത്തകർ ഉൾപ്പടെയുള്ള കോവിഡ്​ പോരാളികൾക്കാണ്​ വാക്​സിൻ നൽകിയിരുന്നത്​​. നിലവിൽ രാജ്യത്ത്​ ഒന്നേകാൽ കോടിയാളുകൾ വാക്​സിൻ സ്വീകരിച്ചിട്ടുണ്ട്​.