അഭ്യൂഹങ്ങൾ അവസാനിപ്പിച്ച്​ മമത-സോണിയ കൂടിക്കാഴ്​ച

ന്യൂഡൽഹി: ബി.ജെ.പിക്കെതിരെ പ്രതിപക്ഷ പ്രാദേശിക പാർട്ടികളുടെ ​െഎക്യത്തിന്​ ശക്​തി പകരാൻ കോൺഗ്രസ്​ സഹായം അഭ്യർഥിച്ച്​ പശ്ചിമ ബംഗാൾ മുഖ്യമന്ത്രിയും തൃണമൂൽ കോൺഗ്രസ്​ നേതാവുമായ മമത ബാനർജി. പ്രതിപക്ഷപാർട്ടികളുടെ ​െഎക്യം ശക്​തിപ്പെടുത്താൻ മൂന്ന്​ ദിവസത്തെ സന്ദർശനത്തിന്​ ഡൽഹിയിൽ  എത്തിയ മമത എൻ.സി.പി നേതാവ്​ ശരദ്​​ പവാർ അടക്കമുള്ള നേതാക്കളുമായി ചൊവ്വാഴ്​ച കൂടിക്കാഴ്​ച നടത്തിയിരുന്നു. തുടർന്ന്​ സോണിയയുടെ ആരോഗ്യസ്ഥിതി തൃപ്​തികരമാണെങ്കിൽ കാണുമെന്ന്​ പറഞ്ഞ ബംഗാൾ മുഖ്യമന്ത്രി ബുധനാഴ്​ച രാത്രി 7.30 ഒാടെ നമ്പർ 10 ജൻപഥിൽ എത്തിയാണ്​ കൂടിക്കാഴ്​ച നടത്തിയത്​. 

പ്രാദേശിക പാർട്ടികളുടെ ബി.ജെ.പി വിരുദ്ധ മുന്നണി കോൺഗ്രസുമായി സഹകരിക്കാതെയാണോ എന്ന അഭ്യൂഹങ്ങൾ കൂടി അവസാനിപ്പിച്ച മമത ബാനർജി, ബി.​െജ.പിയെ നേരിടാൻ പ്രാദേശിക പാർട്ടികളുടെ മുന്നണി ശക്​തിപ്പെടുത്താൻ കോൺഗ്രസി​​​െൻറ സഹായം ആവശ്യമാണെന്നും പറഞ്ഞു. ബി.ജെ.പിയെ രാഷ്​ട്രീയമായി അവസാനിപ്പിക്കാൻ െഎക്യമുന്നണിക്കേ സാധിക്കൂവെന്നും അവർ വ്യക്​തമാക്കി. ബി.ജെ.പിയുടെ വിമതനേതാക്കളുമായി അവർ കൂടിക്കാഴ്​ച നടത്തി.

​ഡൽഹിയിൽ വരു​േമ്പാഴൊക്കെ താൻ സോണിയയെ സന്ദർശിക്കാറു​െണ്ടന്നും തങ്ങൾ തമ്മിൽ നല്ല ബന്ധമാണെന്നും സോണിയയെ കണ്ടശേഷം മമത പറഞ്ഞു. സോണിയ ഗാന്ധിയുടെ ആ​േരാഗ്യവിവരം തിരക്കിയ താൻ രാഷ്​ട്രീയചർച്ചയും നടത്തി. 2019 ലെ പൊതുതെരഞ്ഞെടുപ്പിൽ ബി.ജെ.പിയുമായി നേർക്കുനേർ മത്സരിക്കണമെന്നാണ്​ രാജ്യം ആഗ്രഹിക്കുന്നതെന്നും സംസ്ഥാനങ്ങളിൽ ശക്​തമായ പാർട്ടികൾ അവിടങ്ങളിൽ ബി.ജെ.പിയെ നേരിട്ട്​ നേരിടണമെന്നും അവർ പറഞ്ഞതായി വെളിപ്പെടുത്തി. 

നേര​േത്ത ബി.ജെ.പി വിമത നേതാക്കളായ അരുൺ ഷൂരി, ശത്രുഘ്​നൻ സിൻഹ, യശ്വന്ത്​ സിൻഹ എന്നിവരെയും മമത കണ്ടു. മാസങ്ങൾക്ക്​ മുമ്പ്​ സോണിയ ഗാന്ധി പ്രതിപക്ഷപാർട്ടി നേതാക്കൾക്കായി നടത്തിയ വിരുന്ന്​സൽക്കാരത്തിൽ നിന്ന്​ ഒഴിഞ്ഞ്​ നിന്ന മമതയുടെ പുതിയ നീക്കം ബംഗാളിലും ദേശീയതലത്തിലും ഏറെ ചർച്ചയാവുകയാണ്​.