സാന്ത്വനവുമായി ഇ​ൻ​ഡ്യ മണിപ്പൂരിലേക്ക് പുറപ്പെട്ടു; ‘രണ്ട് വിഭാഗങ്ങളെയും കാണും, മണിപ്പൂരിലെ ജനങ്ങൾ പറയുന്നത് കേൾക്കണം’

ന്യൂ​ഡ​ൽ​ഹി: വംശഹത്യ തുടരുന്ന മണിപ്പൂരിന്റെ മുറിവുണക്കാൻ പ്ര​തി​പ​ക്ഷ മു​ന്ന​ണി​യാ​യ ഇ​ൻ​ഡ്യ​യി​ലെ 16 പാ​ർ​ട്ടി​ക​ളു​ടെ നേ​താ​ക്ക​ൾ ഇംഫാലിലേക്ക് പുറപ്പെട്ടു. രണ്ട് സമുദായങ്ങളിലെയും അംഗങ്ങളെ കാണാൻ ശ്രമിക്കുമെന്നും മണിപ്പൂരിലെ ജനങ്ങൾ പറയുന്നത് കേൾക്കുമെന്നും സംഘാംഗമായ തൃണമൂൽ കോൺഗ്രസ് എം.പി സുസ്മിത ദേവ് മാധ്യമങ്ങളോട് പറഞ്ഞു. തങ്ങൾക്ക് സുരക്ഷ ഒരുക്കേണ്ടത് സംസ്ഥാന സർക്കാരിന്റെ ഉത്തരവാദിത്തമാണെന്നും അവർ വ്യക്തമാക്കി. ഇന്നും നാളെയുമായി മ​ണി​പ്പൂ​രിലെ ദുരിതാശ്വാസക്യാമ്പുകൾ അടക്കം സന്ദർശിക്കുന്ന സംഘം ഗവർമണറുമായും കൂടിക്കാഴ്ച നടത്തും. സാ​ഹ​ച​ര്യ​ങ്ങ​ൾ നേ​രി​ട്ടു മ​ന​സ്സി​ലാ​ക്കുകയും തീ ​തി​ന്നു ക​ഴി​യു​ന്ന ജ​ന​ത​യെ സാ​ന്ത്വ​നി​പ്പി​ക്കു​കയും ചെയ്യും.

രണ്ട് സംഘങ്ങളായാണ് ‘ഇൻഡ്യ’യുടെ യാ​ത്ര. അ​ധി​ർ ര​ഞ്ജ​ൻ ചൗ​ധ​രി, സു​സ്​​മി​ത ദേ​വ്​ -തൃ​ണ​മൂ​ൽ കോ​ൺ​ഗ്ര​സ്, ​ക​നി​മൊ​ഴി -ഡി.​എം.​കെ, പി. ​സ​ന്തോ​ഷ്​ കു​മാ​ർ -സി.​പി.​ഐ, എ.​എ. റ​ഹിം -സി.​പി.​എം, മ​നോ​ജ്​ ഝാ -​ആ​ർ.​ജെ.​ഡി, ജാ​വേ​ദ്​ അ​ലി​ഖാ​ൻ -സ​മാ​ജ്​​വാ​ദി പാ​ർ​ട്ടി, ഡി. ​ര​വി​കു​മാ​ർ-​ഡി.​എം.​കെ, തിരു തോൽ തിരുമാവളവൻ -വിസികെ, ഫു​ലോ​ദേ​വി നേ​തം -കോ​ൺ​ഗ്ര​സ് എന്നിവരാണ് ഒന്നാം ഗ്രൂപ്പിലുള്ളത്.

രണ്ടാം സംഘത്തിൽ ലാ​ല​ൻ സി​ങ്​ -ജ​ന​താ​ദ​ൾ (യു), ഗൗ​ര​വ്​ ഗൊ​ഗോ​യ്, മു​ഹ​മ്മ​ദ്​ ഫൈ​സ​ൽ -എ​ൻ.​സി.​പി, അ​നി​ൽ ഹെ​ഗ്​​ഡെ -ജെ.​ഡി.​യു, ഇ.​ടി. മു​ഹ​മ്മ​ദ്​ ബ​ഷീ​ർ -മു​സ്​​ലിം ലീ​ഗ്, എ​ൻ.​കെ. പ്രേ​മ​ച​ന്ദ്ര​ൻ -ആ​ർ.​എ​സ്.​പി, സു​ശീ​ൽ ഗു​പ്ത -ആം ​ആ​ദ്​​മി പാ​ർ​ട്ടി, അ​ര​വി​ന്ദ്​ സാ​വ​ന്ത്​ -ശി​വ​സേ​ന, മ​ഹു​വ മാ​ജി -ജെ.​എം.​എം, ജ​യ​ന്ത്​ ചൗ​ധ​രി -ആ​ർ.​എ​ൽ.​ഡി എ​ന്നി​വ​രാണുള്ളത്.

ഇന്ന് രാ​വി​ലെ ഡ​ൽ​ഹി​ വിമാനത്താവളത്തിൽനിന്ന് ഇൻഡിഗോ 6E 2615 വിമാനത്തിലാണ് 20 പേരും പുറപ്പെട്ടത്. യി​ൽ​നി​ന്ന്​ പു​റ​പ്പെ​ടു​ന്ന പ്ര​തി​പ​ക്ഷ സം​ഘം ക​ലാ​പ ബാ​ധി​ത​മേ​ഖ​ല​ക​ൾ സ​ന്ദ​ർ​ശി​ച്ച്​ ഞാ​യ​റാ​ഴ്ച മ​ട​ങ്ങും.മ​ണി​പ്പൂ​ർ ക​ലാ​പ​ത്തെ​ക്കു​റി​ച്ച്​ സു​പ്രീം​കോ​ട​തി റി​ട്ട. ജ​ഡ്ജി​യു​ടെ നേ​തൃ​ത്വ​ത്തി​ൽ അ​ന്വേ​ഷ​ണം ന​ട​ത്ത​ണ​മെ​ന്ന്​ കോ​ൺ​ഗ്ര​സ്​ നേ​താ​വ്​ ഗൗ​ര​വ്​ ഗൊ​ഗോ​യ്​ ആ​വ​ശ്യ​പ്പെ​ട്ടു.

ആദ്യസംഘം ഉച്ച 12 മണിക്ക് ഇംഫാൽ എയർപോർട്ടിൽ എത്തിച്ചേരും. തുടർന്ന് ഒന്നാം സംഘം ഹെലികോപ്ടറിൽ ചുരാചന്ദ്പൂർ ജില്ലയിലേക്ക് പുറപ്പെടും. 1:10 ന് ചുരാചന്ദ്പൂർ കോളജിലെ ബോയ്സ് ഹോസ്റ്റലിൽ പ്രവൃത്തിക്കുന്ന ദുരിതാശ്വാസ ക്യാമ്പിൽ എത്തും. തുടർന്ന് 2:50ന് ഇംഫാൽ എയർപോർട്ടിൽ നിന്ന് ബിഷ്ണുപൂരിലെ മൊയ്‌റാംഗ് കോളജ് ദുരിതാശ്വാസ ക്യാമ്പിലേക്ക് പുറപ്പെടും. 3.30ന് ബിഷ്ണുപൂർ ജില്ലയിലെ മൊയ്‌റാംഗ് കോളജ് ദുരിതാശ്വാസ ക്യാമ്പ് സന്ദർശിക്കുന്ന സംഘം 4:20ന് ഇംഫാലിലെ ഹോട്ടൽ ക്ലാസിക് ഗ്രാൻഡെയിലേക്ക് പോകും.

രണ്ടാം സംഘം ചുരാചന്ദ്പൂർ ഹെലിപാഡിൽ നിന്ന് ഉച്ച 1:50ന് ചുരാചന്ദ്പൂർ ഡോൺ ബോസ്‌കോ സ്‌കൂളിലെ ദുരിതാശ്വാസ ക്യാമ്പിലെത്തും. 3:25ന് ഇംഫാൽ വിമാനത്താവളത്തിലെത്തി ഇംഫാൽ ഈസ്റ്റ് ജില്ലയിലെ അകമ്പാട്ടിലെ ഐഡിയൽ ഗേൾസ് കോളജിലെ ദുരിതാശ്വാസ ക്യാമ്പ് സന്ദർശിക്കും. തുടർന്ന് 4:35ന് റോഡ് മാർഗം ലംബോയ്‌ഖോങ്കോങ് ദുരിതാശ്വാസ ക്യാമ്പ് സന്ദർശിക്കും. 5:10ന് താമസസ്ഥലമായ ഇംഫാലിലെ ഹോട്ടൽ ക്ലാസിക് ഗ്രാൻഡെയിൽ എത്തും. ഇന്ന് രാത്രി 8:30 വരെ മാധ്യമങ്ങളെ കാണും.

നാളെ രാവിലെ 9.45ന് ഇംഫാലിലെ രാജ്ഭവനിലേക്ക് പുറപ്പെടുന്ന ഇൻഡ്യ എം.പിമാർ ഗവർണറുമായി കൂടിക്കാഴ്ച നടത്തും. 12:35ന് 6E 2503 ഇൻഡിഗോ വിമാനത്തിൽ ഡൽഹിയിലേക്ക് തിരിക്കും. വൈകീട്ട് 3:15 ഓടെ ഡൽഹിയിൽ എത്തും.

ദുരിതബാധിത പ്രദേശങ്ങളും ദുരിതാശ്വാസ ക്യാമ്പുകളും സന്ദർശിക്കാൻ സംസ്ഥാന സർക്കാരിൽ നിന്ന് അനുമതി ലഭിച്ചതായി കോൺഗ്രസ് എംപിയും രാജ്യസഭയിലെ വിപ്പുമായ നസീർ ഹുസൈൻ അറിയിച്ചു.