വധഭീഷണിയുണ്ടെന്ന്​ ഉമർ ഖാലിദി​െൻറ പരാതി

ന്യൂഡൽഹി: വധഭീഷണിയുണ്ടെന്ന പരാതിയുമായി ജെ.എൻ.യു വിദ്യാർഥി ഉമർ ഖാലിദ്​. ഡൽഹി പൊലീസിലാണ്​ ഉമർ ഖാലിദ്​ പരാതി നൽകിയിരിക്കുന്നത്​. അധോലോക നായകൻ രവിപൂജാരിയെന്ന്​ സ്വയം പരിചയപ്പെടുത്തിയ ഒരാൾ തനിക്കെതിരെ വധഭീഷണി മുഴക്കിയെന്നാണ്​ പരാതി.

പുജാരി വധഭീഷണി മുഴക്കിയെന്ന്​ കാണിച്ച്​ ദലിത്​ സ്വതന്ത്ര എം.എൽ.എയായ ജിഗ്​നേഷ്​ മേവാനിയും പൊലീസിൽ പരാതി നൽകിയിരുന്നു. പരാതി നൽകിയ വിവരം ഉമർ ഖാലിദ്​ ട്വിറ്ററിലുടെ അറിയിച്ചു. തനിക്ക്​ പൊലീസ്​ സംരക്ഷണം നൽകാൻ അധികാരികൾ തയാറാകണമെന്നും അദ്ദേഹം ആവശ്യപ്പെട്ടു. 2016ൽ ഖാലിദിന്​ വധഭീഷണിയുണ്ടെന്ന്​ കാണിച്ച്​ പിതാവും പൊലീസിൽ പരാതി നൽകിയിരുന്നു.