Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right'തർക്കസ്ഥലത്ത്​...

'തർക്കസ്ഥലത്ത്​ പണിയുന്ന രാമക്ഷേത്രത്തിന്​ പണംതരില്ല'; നിലപാട്​ വ്യക്തമാക്കി സിദ്ധരാമയ്യ

text_fields
bookmark_border
തർക്കസ്ഥലത്ത്​ പണിയുന്ന രാമക്ഷേത്രത്തിന്​ പണംതരില്ല; നിലപാട്​ വ്യക്തമാക്കി സിദ്ധരാമയ്യ
cancel

ബെംഗളൂരു: അയോധ്യയിൽ ബാബരി മസ്​ജിദ്​ തകർത്ത സ്ഥലത്ത്​ പണിയുന്ന രാമക്ഷേത്രത്തിന്​ സംഭാവന നൽകില്ലെന്ന്​ വ്യക്തമാക്കി കർണാടക മുൻ മുഖ്യമന്ത്രിയും കോൺഗ്രസ്​ നേതാവുമായ സിദ്ധരാമയ്യ. തർക്കസ്ഥലത്ത്​ പണിയുന്ന രാമക്ഷേത്രത്തിന്​ പണം തരില്ലെന്നും മറ്റെവിടെയെങ്കിലുമാണ്​ പണിയുന്നതെങ്കിൽ പണം തരാമെന്നും ഫണ്ട്​ ചോദിച്ചു വന്നവരോട്​ വ്യക്തമായി പറഞ്ഞതായി സിദ്ധരാമയ്യ പറഞ്ഞു.

മുമ്പ്​ അവർ ഇഷ്​ടികക്ക്​ വേണ്ടി പണം പിരിച്ചിരുന്നു. പിന്നീട്​ ഇഷ്​ടിക അയോധ്യക്ക്​ വെളിയിൽ എറിഞ്ഞു. വാങ്ങിയ പണത്തിന്​ എന്നെങ്കിലും അവർ കണക്ക്​ നൽകിയിരുന്നോ?-സിദ്ധരാമയ്യ ഡൽഹിയിൽ മാധ്യമ പ്രവർത്തകരോട്​ ചോദിച്ചു.

രാമക്ഷേത്രത്തിന്​ പണംപിരിക്കുന്നവരെ രൂക്ഷമായി വിമർ​ശിച്ച്​ ജെ.ഡി.എസ്​ നേതാവും കർണാടക മുൻമുഖ്യമന്ത്രിയുമായ എച്​.ഡി കുമാരസ്വാമി ഇന്നലെ രംഗത്തെത്തിയിരുന്നു. ആരാണ്​ ഇവർക്ക്​ ഫണ്ട്​ പിരിക്കാൻ അനുവാദം നൽകിയതെന്നും പണം പിരിക്കുന്നതിന്​ ​എന്തെങ്കിലും രേഖയുണ്ടോയെന്നും കുമാരസ്വാമി ചോദിച്ചിരുന്നു.

ആളുകളുടെ വികാരം ചൂഷണം ചെയ്​ത്​ പണം പിരിക്കുകയാണെന്നും പണം തരാത്തവരുടെ വീടുകൾ നാസി സ്​റ്റൈലിൽ പ്രത്യേകം രേഖപ്പെടുത്തുകയാണെന്നും കുമാരസ്വാമി കുറ്റപ്പെടുത്തിയിരുന്നു.

Show Full Article
TAGS:Siddaramaiah Ram Mandir HD Kumaraswamy 
Next Story