ഹജ്ജ്​ ഹൗസിന്​ പിന്നാലെ പാർക്കുകൾക്കും ഡിവൈഡറുകൾക്കും യു.പിയിൽ കാവിനിറം

ന്യൂഡൽഹി: ഹജ്ജ്​ ഹൗസിന്​ പിന്നാലെ ലഖ്​നോവിലെ പൊതുകെട്ടിടങ്ങൾക്കും യു.പി സർക്കാർ കാവി നിറം നൽകുന്നു. പാർക്കുകൾക്കും ഡിവൈഡറുകൾക്കുമാണ്​ കാവിനിറം നൽകിയിരിക്കുന്നത്​. നേരത്തെ വിവാദമായതിനെ തുടർന്ന്​ ഹജ്ജ്​ ഹൗസിന്​ കാവി നിറം നൽകിയത്​ മാറ്റിയിരുന്നു. ഇതിന്​ പിന്നാലെയാണ്​ പുതിയ നടപടി.

ലഖ്​നോവിലെ ഗോമതി നഗർ മുൻസിപ്പൽ കോർപ്പറേഷനാണ്​ ​പാർക്കുകൾക്കും ഡിവൈഡറുകൾക്കും കാവിനിറം നൽകിയിരിക്കുന്നത്​. ഉത്തർപ്രദേശിൽ യോഗി ആദിത്യനാഥ്​ സർക്കാർ അധികാരത്തിലെത്തിയതിനെ തുടർന്നാണ്​ സർക്കാർ കെട്ടിടങ്ങൾക്കും പൊതുമന്ദിരങ്ങൾക്കും കാവിനിറം നൽകാൻ തുടങ്ങിയത്​.