യു.പിയിൽ ടോൾബൂത്തുകൾക്കും ഇനി കാവി നിറം

ലക്​നൗ: സർക്കാർ ഒാഫീസുകൾക്കും പാർക്കുകൾക്കും ഡിവൈഡറുകൾക്കും പിന്നാലെ യു.പിയിൽ ടോൾബൂത്തുകൾക്കും കാവിനിറം. മുസഫർനഗർ-ഷരാൺപൂർ ഹൈവേയിലെ ടോൾബൂത്തുകൾക്കാണ്​​ കാവി നിറം നൽകയിരിക്കുന്നത്​. 

 ഉത്തർപ്രദേശ്​ സർക്കാറി​​​െൻറ കാവിനിറത്തോടുള്ള പ്രേമം രഹസ്യമല്ല. മുഖ്യമ​ന്ത്രിയുടെ ഒാഫീസ്​ മുതൽ സംസ്ഥാനത്തെ മറ്റ്​ പ്രധാന കെട്ടിടങ്ങൾക്കെല്ലാം കാവിനിറമാണ്​ ഉള്ളത്​.

സെ​ക്രട്ടറിയേറ്റ്​ കെട്ടിടത്തിന്​ ശേഷം ഡിവൈഡർ, പ്രതിമകൾ തുടങ്ങി ഇപ്പോൾ ടോൾ ബൂത്തുകൾ വരെ എത്തിനിൽക്കുകയാണ്​ സർക്കാറി​​​െൻറ കാവി പ്രേമം. യോഗി ആദിത്യനാഥി​​​െൻറ നേതൃത്വത്തിലുള്ള ബി.ജെ.പി സർക്കാർ അധികാരത്തിലെത്തിയതിന്​ ശേഷമാണ്​ സർക്കാർ കെട്ടിടങ്ങൾക്ക്​ കാവി നിറം നൽകാൻ തുടങ്ങിയത്​​.