Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightവോട്ടുയന്ത്രങ്ങളുടെ...

വോട്ടുയന്ത്രങ്ങളുടെ സുരക്ഷയിൽ ആശങ്ക; പ്രതിപക്ഷ പാർട്ടികൾ തെര. കമീഷ​െന കാണും

text_fields
bookmark_border
opposition
cancel

ന്യൂഡൽഹി: ഇലക്​ട്രോണിക്​ വോട്ടിങ്​ മെഷീനെയും വിവിപാറ്റിനെയും സംബന്ധിച്ച ആശങ്കകൾ അറിയിക്കാൻ കോൺഗ്രസ്​ അ ടക്കം 21 പ്രതിപക്ഷ പാർട്ടികൾ ഇന്ന്​ തെരഞ്ഞെടുപ്പ്​ കമീഷനെ കാണും. വോട്ടുയന്ത്രങ്ങളുടെ സുരക്ഷ ഉറപ്പാക്കണമെന്ന ാണ്​ പ്രതിപക്ഷത്തിൻെറ ആവശ്യം. ബി.ജെ.പിക്കും സഖ്യകക്ഷികൾക്കും അനായാസ വിജയം പ്രഖ്യാപിച്ച എക്​സിറ്റ്​ പോളുകൾ പുറത്തു വന്നതിനു പിറകെയാണ്​ ഇത്തരമൊരു നീക്കത്തിന്​ പ്രതിപക്ഷ പാർട്ടികൾ തയാറായത്​. ഇന്ന്​ ഉച്ചക്ക്​ ശേഷമായിരിക്കും കൂടിക്കാഴ്​ച.

ബിഹാറിലെ രണ്ട്​ ലോക്​സഭാ മണ്ഡലങ്ങളിലെ വോട്ടുയന്ത്രങ്ങൾ സൂക്ഷിച്ച സ്​ട്രോങ്​റൂമിനു സമീപത്തു നിന്ന്​ ഒരു ലോറി ഇ.വി.എം പിടിച്ചെടുത്ത പശ്​ചാത്തലത്തിലാണ്​ കൂടിക്കാഴ്​ചക്ക്​ പ്രതിപക്ഷം ശ്രമിക്കുന്നത്​. വോട്ടിങ്​ മെഷീനിൽ ​കൃത്രിമം നടത്താൻ സാധ്യതയുണ്ടെന്ന ആരോപണങ്ങളെ ശക്​തി​െപ്പടുത്തുന്നതായിരുന്നു​ ഇൗ സംഭവം.

എക്​സിറ്റ്​ പോളുകൾ തെരഞ്ഞെടുപ്പിൽ കൃത്രിമം നടത്തുന്നതിനു വേണ്ടി പുറത്തു വിടുന്ന കണക്കുകളാ​െണന്നാണ്​ പ്രതിപക്ഷ വിമർശനം. പ്രാദേശിക പാർട്ടികൾ മോശം പ്രകടനമാണ്​ കാഴ്​ചവെക്കുക എന്നാണ്​ എക്​സിറ്റ്​ പോൾ ഫലം പറയുന്നത്​. ബി.​െജ.പിക്കെതിരായ മഹാ സഖ്യത്തിന്​ 122 ൽ കൂടുതൽ സീറ്റുകൾ നേടാൻ കഴിയില്ലെന്നും എക്​സിറ്റ്​ പോൾ പ്രവചിക്കുന്നു.

അതേസമയം, പല നേതാക്കളും എക്​സിറ്റ്​ പോളുക​െള തള്ളി രംഗത്തെത്തുകയും ചെയ്​തിട്ടുണ്ട്​. വോട്ടിങ്​ മെഷീനിൽ കൃത്രിമം കാണിക്കുന്നതിനുള്ള നീക്കമാണ്​ എക്​സിറ്റ്​ പോൾ ഫലങ്ങൾക്ക്​ പിറകിലെന്ന്​​ മമതാ ബാനർജി വിമർശിക്കുകയും ചെയ്​തു.

Show Full Article
TAGS:opposition parties EVM Election Commission india news malayalam news 
News Summary - After Exit Polls, Opposition Talks Of Voting Machines - India News
Next Story