Begin typing your search above and press return to search.
proflie-avatar
Login
exit_to_app
exit_to_app
Pune Railway Station
cancel
Homechevron_rightNewschevron_rightIndiachevron_right'ഔറംഗാബാദ്​ മാത്രം...

'ഔറംഗാബാദ്​ മാത്രം മാറ്റിയാൽ പോര'; പുണെയുടെയും അഹമദ്​നഗറിന്‍റെയും പേര്​ മാറ്റണമെന്ന്​ ആവശ്യം

text_fields
bookmark_border

മുംബൈ: ഔറംഗാബാദിന്‍റെ പേരുമാറ്റവുമായി ബന്ധപ്പെട്ട്​ സഖ്യകക്ഷികളായ കോൺഗ്രസും ശിവസേനയും ഏറ്റുമുട്ടൽ തുടരുന്നതിനിടെ, പുരാതന നഗരങ്ങളായ പുണെയുടെയും അഹമദ്​നഗറിന്‍റെയും പേരുമാറ്റണമെന്ന്​ ആവശ്യം. പുണെക്ക്​ ജിജാനഗർ എന്നും അഹമദ്​നഗറിനെ അംബികാനഗർ എന്നാക്കണമെന്നുമാണ്​ ആവശ്യം.

പുണെയുടെ പേര്​ ജിജാനഗർ ആക്കണമെന്ന ആവശ്യവുമായി മഹാരാഷ്​ട്രയിലെ പ്രധാന സംഘടനകളിലൊന്നായ സംബാജി ബ്രിഗേഡ്​ രംഗത്തെത്തി. ഛത്രപതി ശിവജിയുടെ മാതാവിന്‍റെ പേരായ ജിജാഭായ്​ യുടെ സ്​മരണാർഥം ജിജാനഗർ എന്ന പേരു നൽകണമെന്നാണ്​ ആവശ്യം.

പുണെയുടെ പേര്​ മാറ്റണമെന്ന ആവശ്യം പുതിയതല്ലെന്ന്​ സംബാജി ബ്രിഗേഡ്​ നേതാവ്​ പ്രശാന്ത്​ ധൂമൽ പറഞ്ഞു. മുരാർ ജഗ്​ദേവ്​ പുണെ നഗരം തകർത്തപ്പോൾ ജിജാഭായ്​ ആണ്​ നഗരം വീണ്ടും കെട്ടിപ്പടുത്തത്​. ഇതിൽ കഴിഞ്ഞ 25 വർഷമായി പുണെയുടെ പേര്​ മാറ്റണമെന്ന്​ ആവശ്യപ്പെടുന്നു. സർക്കാറുമായി ഇതുസംബന്ധിച്ച്​ ചർച്ചകൾ നടത്തിയാതായും പ്രശാന്ത്​ ധൂമൽ കൂട്ടിച്ചേർത്തു.

അഹമദാനഗറിന്‍റെ പേര്​ അംബികാനഗർ എന്നാക്കണമെന്ന ആവശ്യവുമായി ശിവസേന എം.പിയാണ്​ രംഗത്തെത്തിയത്​. അംബിക ദേവിയുടെ ക്ഷേത്രം സ്​ഥിതിചെയ്യുന്ന പ്രദേശം അംബിക നഗർ എന്നാക്കണമെന്നാണ്​ ശിവസേന നേതാവിന്‍റെ ആവശ്യം. 1490ൽ അഹ്​മദ്​ നിസാം ഷാ ഒന്നാമൻ സ്​ഥാപിച്ച ചരിത്ര പ്രധാന്യമുള്ള നഗരമാണ്​ അഹമദാനഗർ.

ഔറംഗാബാദിന്‍റെ പേര്​ സംബാജിനഗർ എന്നാക്കണമെന്നാണ്​ വർഷങ്ങളായി ശിവസേന ഉയർത്തുന്ന ആവശ്യം. എന്നാൽ സഖ്യകക്ഷികളിൽനിന്നടക്കം എതിർപ്പ്​ ഉയർന്നതിനെ തുടർന്ന്​ പേരു മാറ്റം സംബന്ധിച്ച തീരുമാനത്തിലെത്താൻ കഴിഞ്ഞിട്ടില്ല. മുഗൾ ഭരണാധികാരി ഔറംഗസേബിന്‍റെ സ്​മരണാർഥമാണ്​ നഗരത്തിന്​ ഔറംഗ​ബാദ്​ എന്ന പേര്​ വന്നത്​. ഛത്രപതി ശിവജിയുടെ മകന്‍റെ പേര്​ സൂചിപ്പിക്കുന്നതാണ്​ സംബാജിനഗർ എന്ന പേര്​. എന്നാൽ പേരുമാറ്റത്തെ എന്തു വിലകൊടുത്തും എതിർക്കുമെന്നാണ്​ കോ​ൺഗ്രസിന്‍റെ നിലപാട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:PuneAurangabadAhmednagar
News Summary - After Aurangabad demand to rename Pune and Ahmednagar resurfaces
Next Story