Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമുംബൈയിൽ ഇനി മു​േമ്പ...

മുംബൈയിൽ ഇനി മു​േമ്പ പോലെ; 88 വർഷങ്ങൾക്കു ശേഷം കാവലിന്​ കുതിരപ്പുറത്ത്​ റോന്തുചുറ്റുന്ന പൊലീസ്​

text_fields
bookmark_border
മുംബൈയിൽ ഇനി മു​േമ്പ പോലെ;  88 വർഷങ്ങൾക്കു ശേഷം കാവലിന്​  കുതിരപ്പുറത്ത്​ റോന്തുചുറ്റുന്ന പൊലീസ്​
cancel

മുംബൈ: ഈ റിപ്പബ്ലിക്​ ദിനത്തിൽ പുതുമയുള്ളൊരു കാഴ്​ചയിലേക്കാവും മുംബൈ നഗരം കൺതുറക്കുക. ജനസംരക്ഷണത്തിനും ഗതാ ഗത നിയന്ത്രണത്തിനുമായി കുതിരപ്പുറത്ത്​ റോന്തുചുറ്റുന്ന പൊലീസ്​ അന്ന്​ നഗരത്തിൽ സേവനം തുടങ്ങും.

88 വർഷം മ ുമ്പ്​ കുതിരപ്പുറത്ത് റോന്തുചുറ്റുന്ന പൊലീസ് യൂനിറ്റ്​ പിരിച്ചുവിട്ടിരുന്നു. 1932ൽ മോ​ട്ടോർ വാഹനങ്ങളുടെ കടന ്നുവരവോടെ കുതിരപ്പുറത്തുള്ള പട്രോളിങ്​ അനിവാര്യമല്ലെന്ന്​ വിലയിരുത്തി അന്നത്തെ പൊലീസ്​ കമീഷണർ പാട്രിക് ​ കെല്ലിയാണ്​ ഈ നടപടിയെടുത്തത്​. എന്നാൽ, ഈ വർഷം ശിവാജി പാർക്കിൽ നടക്കുന്ന റിപ്പബ്ലിക് ദിന പരേഡിൽ പങ്കെടുത്ത ശേ ഷം കുതിര പട്രോളിങ്​ പുനരാരംഭിക്കാനാണ്​ തീരുമാനമെന്ന്​ മഹാരാഷ്​​്ട്ര ആഭ്യന്തര മന്ത്രി അനിൽ ദേശ്മുഖ് അറിയിച്ചു.

13 കുതിരകളെയാണ്​ ഇതിനായി പരിശീലിപ്പിച്ചിരിക്കുന്നത്​. ‘ഇന്ന് മുംബൈ പൊലീസിന് പട്രോളിങിനായി ജീപ്പുകളും മൊട്ടോർസൈക്കിളുകളുമുണ്ട്. എന്നാൽ, ബീച്ചുകളും ഉല്ലാസ-വ്യാപാര കേന്ദ്രങ്ങളും പോലുള്ള ജനത്തിരക്കു കൂടിയ പ്രദേശങ്ങളിൽ കുറ്റകൃത്യങ്ങൾ തടയാൻ കുതിരപ്പുറത്ത് റോന്തു ചുറ്റുന്ന പൊലീസ് സേനയുടെ സഹായം ആവശ്യമാണെന്ന് കരുതുന്നു’– ദേശ്മുഖ് മാധ്യമങ്ങളോടു പറഞ്ഞു.

ഉത്സവങ്ങളിലും മറ്റ് ആഘോഷാവസരങ്ങളിലും വൻ ജനാവലിയെ നിയന്ത്രിക്കാൻ കുതിര പട്രോളിങ്​ യൂനിറ്റിന്​ സാധിക്കും. കൃത്യമായ ഉയരത്തിൽ നിന്ന് പൊലീസുകാർക്കു നിരീക്ഷിക്കാൻ കഴിയുമെന്നത്​ വളരെയധികം ഉപകരിക്കും. നിലത്തു നിൽക്കുന്ന 30 പൊലീസുകാർക്ക്​ സമമാണു കുതിരപ്പുറത്തുള്ള ഒരു പൊലീസുകാരനെന്നും ദേശ്മുഖ് ചൂണ്ടിക്കാട്ടി.
ഒരു സബ് ഇൻസ്പെക്ടർ, ഒരു എ.എസ്.ഐ, നാല് ഹെഡ്​ കോൺസ്​റ്റബിൾമാർ, 32 കോൺസ്​റ്റബിൾമാർ എന്നിവരടങ്ങുന്നതാണ് യൂനിറ്റ്. ഇവർക്ക്​ പൂനെയിൽ പരിശീലനം നൽകി കഴിഞ്ഞു. കുതിരകളുടെ പരിശീലനം നടന്നത്​ റിട്ട. സുബേദാർ ആർ.ടി. നിർമലിൻെറ നേതൃത്വത്തിൽ മഹാലക്ഷ്​മി റേസ്​കോഴ്​സിലാണ്​.

അടുത്ത ആറുമാസത്തിനുള്ളിൽ 30 കുതിരകൾ അടങ്ങുന്ന സേനയായി ഇതിനെ വിപുലീകരിക്കാനാണ്​​ തീരുമാനം. നിലവിൽ ശിവജി പാർക്കിലുള്ള യൂനിറ്റിനെ പിന്നീട്​ മാറോൾ ഹെഡ്​ക്വ​ാ​ട്ടേഴ്​സിലേക്ക്​ മാറ്റും. ഇവിടെ രണ്ടര ഏക്കറിൽ യൂനിറ്റിന്​ പരിശീലനത്തിന്​ ആവശ്യമായ സൗകര്യങ്ങൾ ഒരുക്കാനാണ്​ ആലോചന.

Show Full Article
TAGS:mumbai police mounted policemen unit mumbai police news 
News Summary - After 88 Years, Mumbai Police To Patrol City On Horses -India news
Next Story