അരുണാചലിൽ ‘അഫ്​സ്​പ’ ഭാഗികമായി പിൻവലിച്ചു

ന്യൂഡൽഹി: അരുണാചൽപ്രദേശിൽ സൈന്യത്തിന്​ അമിതാധികാരം നൽകുന്ന വിവാദ നിയമം ‘അഫ്​സ്​പ’ ഭാഗികമായി പിൻവലിച്ചു. അതേസമയം, മ്യാന്മറുമായി അതിർത്തി പങ്കിടുന്ന സ്​ഥലങ്ങളിൽ നിയമം തുടരും.

അസമിലും മണിപ്പൂരിലും 1958ൽ നടപ്പാക്കിയ നിയമം ’87ൽ അരുണാചൽപ്രദേശ്​ സംസ്​ഥാനം രൂപംകൊണ്ട ശേഷവും തുടരുകയായിരുന്നു. അഫ്​സ്​പ നിയമപ്രകാരം സൈന്യത്തിന്​ ആരെയും അറസ്​റ്റ്​ ചെയ്യാനും എവിടെയും പരിശോധന നടത്താനും അധികാരം നൽകിയിരുന്നു. നിയമം ചവറ്റുകൊട്ടയിലിടണമെന്നായിരുന്നു ഇതുസംബന്ധിച്ച്​ ജസ്​റ്റിസ്​ ബി.പി. ജീവൻ റെഡ്​ഡി കമ്മിറ്റി നിർദേശിച്ചത്​.