അഫ്​സ്​പ പിൻവലിക്കില്ലെന്ന്​ സൈനിക മേധാവി

ന്യൂഡൽഹി: വ്യാപക വി​മർശനം ഏറ്റുവാങ്ങിയ പട്ടാള കരിനിയമമായ അഫ്​സ്​പ പിൻവലിക്കാനോ ചില വകുപ്പുകൾ മയപ്പെടുത്താനോ സമയമായിട്ടില്ലെന്ന്​ സൈനിക മേധാവി ജനറൽ ബിപിൻ റാവത്ത്​. ജമ്മു ^കശ്​മീരിൽ ഉൾപ്പെടെ സംഘർഷ ബാധിത പ്രദേശങ്ങളിൽ പ്രവർത്തിക്കു​േമ്പാൾ മനുഷ്യാവകാശ സംരക്ഷണത്തിന്​ പരമാവധി പരിഗണന നൽകുമെന്നും അദ്ദേഹം പറഞ്ഞു. അഫ്​സ്​പ പൂർണമായോ വിവാദ വകുപ്പുകളോ പിൻവലിക്കുന്നത്​ പരിഗണിക്കാൻ ആഭ്യന്തര മന്ത്രാലയത്തിലെയും സൈന്യത്തിലെയും മുതിർന്ന ഉദ്യോഗസ്​ഥർ ചർച്ച തുടരുകയാണെന്ന റിപ്പോർട്ടുകൾക്കിടെയാണ്​ സൈനിക മേധാവിയുടെ വിശദീകരണം. സംഘർഷ ബാധിത മേഖലകളിൽ സൈന്യത്തിന്​ അനിയന്ത്രിത അധികാരം നൽകുന്നതാണ്​ അഫ്​സ്​പ എന്ന ‘സായുധ സേന പ്രത്യേക അധികാര നിയമം’.