56 കോടിയുടെ ഹെറോയിനുമായി ആഫ്രിക്കൻ യുവതി മുംബൈ വിമാനത്താവളത്തിൽ പിടിയിൽ

അന്താരാഷ്ട്ര വിപണിയിൽ 56 കോടി രൂപ വിലമതിക്കുന്ന എട്ട് കിലോ ഹെറോയിനുമായി ആഫ്രിക്കൻ യുവതി പിടിയിലായി. മുംബൈ വിമാനത്താവളത്തിൽ കസ്റ്റംസ് ഡിപ്പാർട്ട്‌മെന്റ് ആണ് ഇവരെ പിടികൂടിയത്.

യുവതിയുടെ കയ്യിൽ വെള്ളപ്പൊടി കണ്ടെത്തിയിരുന്നു. പരിശോധിച്ചപ്പോൾ ഹെറോയിൻ ആണെന്ന് തെളിഞ്ഞു. കേസ് രജിസ്റ്റർ ചെയ്ത് കൂടുതൽ അന്വേഷണം നടത്തിവരികയാണെന്ന് അധികൃതർ അറിയിച്ചു.