Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right‘യേ ദിൽ ഹേ മുശ്​കിൽ’...

‘യേ ദിൽ ഹേ മുശ്​കിൽ’ റിലീസിന്​ തടസമുണ്ടാകില്ലെന്ന്​ രാജ്​നാഥ്​ സിങ്​

text_fields
bookmark_border
‘യേ ദിൽ ഹേ മുശ്​കിൽ’ റിലീസിന്​ തടസമുണ്ടാകില്ലെന്ന്​ രാജ്​നാഥ്​ സിങ്​
cancel

ന്യൂഡൽഹി: പാക്​ താരങ്ങൾ അഭിനയിച്ചതിനെ തുടർന്ന്​ വിവാദമായ കരണ്‍ ജോഹർ ചിത്രം ‘യേ ദില്‍ ഹെ മുഷ്‌കിലി’​െൻറ റിലീസിന് സര്‍ക്കാര്‍ പൂര്‍ണ പിന്തുണ നല്‍കുമെന്ന് കേന്ദ്ര ആഭ്യന്തമന്ത്രി രാജ്‌നാഥ് സിങ്​.  അക്രമ സംഭവങ്ങളൊന്നുമില്ലാതെ ചിത്രം റിലീസ്​ ചെയ്യാനുള്ള നടപടിയെടുക്കുമെന്നും അദ്ദേഹം അറിയിച്ചു. ചിത്രത്തി​െൻറ നിര്‍മാതാവ് മഹേഷ് ഭട്ട് മന്ത്രിയുമായി നടത്തിയ കൂടികാഴ്ചയിലാണ് അദ്ദേഹം ചിത്രത്തിന്​ പൂർണ പിന്തുണ വാഗ്ദാനം ചെയ്തത്.

ചിത്രത്തിന്റെ റിലീസുമായി ബന്ധപ്പെട്ട അക്രമസംഭവങ്ങള്‍ ഒഴിവാക്കാന്‍ അതാത് സംസ്ഥാനങ്ങളിലെ മുഖ്യമന്ത്രിമാര്‍ക്ക് നിര്‍ദ്ദേശം നല്‍കുമെന്നും നൂറു ശതമാനം പൊലീസ്​ സംരക്ഷണമൊരുക്കുമെന്നും  മന്ത്രി ഉറപ്പുനല്‍കിയിട്ടുണ്ടെന്ന്​ മുകേഷ് ഭട്ട് അറിയിച്ചു.

പാക് താരങ്ങള്‍ അഭിനയിക്കുന്ന ചിത്രങ്ങള്‍ പ്രദര്‍ശിപ്പിക്കാന്‍ അനുവദിക്കില്ലെന്നാണ് രാജ്​ താക്കറെയുടെ നേതൃത്വത്തിലുള്ള മഹാരാഷ്ട്ര നവനിര്‍മാണ്‍ സേനയുടെ നിലപാട്. രാജ്യത്തെ പൗരൻമാരുടെ വികാരങ്ങൾ മനസിലാക്കുന്നുവെന്നും എന്നാൽ നിയമം കൈയ്യിലെടുക്കാൻ നവനിര്‍മാണ്‍ സേനക്ക്​ അധികാരമില്ലെന്നും രാജ്​നാഥ്​ സിങ്​ പറഞ്ഞു. ​
ഉറി ഭീകരാക്രമണത്തി​െൻറ പശ്ചാത്തലത്തിലാണ്​ പാക് താരം ഫവദ് ഖാന്‍ അഭിനയിക്കുന്ന ‘ യേ ദില്‍ ഹെ മുഷ്‌കിൽ’ പ്രദർശിപ്പിക്കാനനുവദിക്കില്ലെന്ന്​ സംഘടനകൾ അറിയിച്ചത്​. വിവാദത്തെ തുടർന്ന്​ മഹാരാഷ്ട്ര, ഗോവ, ഗുജറാത്ത്, കര്‍ണാടക സംസ്ഥാനങ്ങളിലെ തിയറ്ററുടമകൾ ചിത്രം പ്രദര്‍ശിപ്പിക്കാന്‍ വിസമ്മതിച്ചിരിക്കുകയാണ്. ദീപാവലിക്കാണ് ചിത്രം പുറത്തിറങ്ങുന്നത്.

Show Full Article
TAGS:rajnath singh Karan Johar 
News Summary - 'Ae Dil Hai Mushkil' Will Have Safe Release– Rajnath Singh
Next Story