Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightനിർഭയയുടെ അമ്മ...

നിർഭയയുടെ അമ്മ പ്രതികളോട്​ ക്ഷമിക്കണമെന്ന്​ ഇന്ദിര ജെയ്​സിങ്​; അതുപറയാൻ അവരാരാണെന്ന്​ നിർഭയുടെ അമ്മ

text_fields
bookmark_border
indira-jaising-asha-dev
cancel

ന്യൂഡൽഹി: ഡൽഹിയിൽ കൂട്ടബലാൽസംഗത്തിനിരയായി കൊല്ലപ്പെട്ട നിർഭയയുടെ അമ്മ സോണിയ ഗാന്ധിയുടെ മാതൃക പിന്തുടരണമ െന്ന്​ മുതിർന്ന അഭിഭാഷക ഇന്ദിര ജെയ്​സിങ്​. ആശാദേവിയുടെ വേദന മനസിലാക്കുന്നു. അവരോട്​ സോണിയ ഗാന്ധിയെ മാതൃകയാ ക്കാനാണ്​ ആവശ്യപ്പെടുന്നത്​. നിർഭയ കേസ്​ പ്രതികളുടെ വധശിക്ഷ വൈകുന്നതിൽ പ്രതിഷേധവുമായി നിർഭയയുടെ അമ്മ ആശാദേവ ി രംഗത്തെത്തിയ സാഹചര്യത്തിലാണ്​ മുതിർന്ന അഭിഭാഷക ഇന്ദിര ജെയ്​സിങ്ങിൻെറ പരാമർശം.

രാജീവ്​ ഗാന്ധി വധക്കേസ്​ പ്രതിയായ നളിനിയോട്​ സോണിയ ക്ഷമിച്ചു. അവരെ തൂക്കികൊല്ലണമെന്ന ആഗ്രഹം​ സോണിയക്കില്ലായിരുന്നു. ഞങ്ങൾ നിങ്ങളോടൊപ്പമുണ്ട്​ പക്ഷേ വധശിക്ഷക്ക്​ എതിരാണെന്ന്​ ഇന്ദിര ജെയ്​സിങ്​ ട്വീറ്റ്​ ചെയ്​തു​. ​

അതേസമയം, ഇന്ദിര ജെയ്​സിങ്ങിന്​ മറുപടിയുമായി നിർഭയയുടെ അമ്മ ആശാദേവിയും രംഗത്തെത്തി. തനിക്ക്​ ഇത്തരം ഉപദേശം തരാൻ ഇന്ദിര ജെയ്​സിങ്​ ആരാണെന്ന്​ അവർ ചോദിച്ചു. ഇങ്ങനെയൊരു നിർദേശം മുന്നോട്ട്​ വെക്കാൻ അവർക്കെങ്ങനെ ധൈര്യം വന്നുവെന്ന്​ വിശ്വസിക്കാൻ പോലും തനിക്ക്​ സാധിക്കുന്നില്ല. ഇവരെ പോലുള്ളവർ ഉള്ളതുകൊണ്ടാണ്​ രാജ്യത്തെ ബലാൽസംഗ കേസിലെ ഇരകൾക്ക്​ നീതി കിട്ടാത്തത്​. ബലാൽസംഗ കേസ്​ പ്രതികളെ പിന്തുണച്ചാണ്​ അവർ ജീവിക്കുന്നത്​. അതുകൊണ്ടാണ്​ രാജ്യത്ത്​ ബലാൽസംഗങ്ങൾ അവസാനിക്കാത്തത്​. രാജ്യം മുഴുവൻ നിർഭയ കേസ്​ പ്രതികളെ തൂക്കിലേറ്റണമെന്നാണ്​ ആഗ്രഹിക്കുന്നതെന്നും അവർ പറഞ്ഞു.

ഫെബ്രുവരി ഒന്നിന്​​ നിർഭയ കേസ്​ പ്രതികളെ തൂക്കിലേറ്റാൻ കോടതി മരണവാറണ്ട്​ പുറപ്പെടുവിച്ചിരുന്നു​. കേസിലെ പ്രതികളായ വിനയ്​, അക്ഷയ്​, പവൻ, മുകേഷ്​ എന്നിവരെയാണ്​ വധശിക്ഷക്ക്​ വിധേയരാക്കുന്നത്​. ജനുവരി 22ന്​ വധശിക്ഷ നടപ്പാക്കാനാണ്​ നേരത്തെ നിശ്​ചയിച്ചിരുന്നതെങ്കിലും പ്രതികൾ തിരുത്തൽ ഹരജിയുമായി മുന്നോട്ട്​ പോയതോടെ ഇത്​ നീളുകയായിരുന്നു.

Show Full Article
TAGS:Indira Jaising nirbhaya case india news malayalam news 
News Summary - Advocate Indira Jaising urges Nirbhaya's mother to follow Sonia Gandhi-india news
Next Story