അമൻ ലേഖി അഡീഷനൽ സോളിസിറ്റർ ജനറൽ സ്ഥാനം രാജിവെച്ചു

ന്യൂഡൽഹി: മുതിർന്ന അഭിഭാഷകൻ അമൻ ലേഖി ഇന്ത്യയുടെ അഡീഷനൽ സോളിസിറ്റർ ജനറൽ സ്ഥാനത്തു നിന്ന് രാജിവെച്ചു. കേന്ദ്ര നിയമ മന്ത്രി കിരൺ റിജിജുവിന് അയച്ച രണ്ടുവരി കത്തിലാണ് രേഖി രാജിക്കാര്യം അറിയിച്ചത്. രാജിയുടെ കാരണം വ്യക്തമാക്കിയിട്ടില്ല.

2018ലാണ് ലേഖി ഈ തസ്തികയിലേക്ക് ആദ്യമായി നിയമിക്കപ്പെട്ടത്. തുടർന്ന് 2020ൽ മൂന്നു വർഷത്തേക്ക് പുനർനിയമനം നൽകി.

സുപ്രീം കോടതിയിലെ പ്രമുഖ അഭിഭാഷകനായ പ്രാൺനാഥ് ലേഖിയുടെ മകനും ബി.ജെ.പി നേതാവും കേന്ദ്ര വിദേശകാര്യ- സാംസ്കാരിക സഹമന്ത്രിയുമായ മീനാക്ഷി ലേഖിയുടെ ഭർത്താവുമാണ് അമൻ ലേഖി.