കോവിഡ്​ പ്രതിരോധം: ഇന്ത്യക്ക്​ എ.ഡി.ബി 150 കോടി ഡോളർ വായ്പ അനുവദിച്ചു

ന്യൂഡൽഹി: കോവിഡ്​ പ്രതിരോധത്തിന്​ ഇന്ത്യക്ക്​ 150 കോടി ഡോളർ വായ്​പ നൽകാൻ ഏഷ്യൻ ഡെവലപ്‌മ​െൻറ്​ ബാങ്ക് (എ.ഡി. ബി) തീരുമാനിച്ചു.
രോഗം തടയൽ, പ്രതിരോധം, ദരിദ്രർക്കും സാമ്പത്തികമായി ദുർബലരായവർക്കും സാമൂഹിക സംരക്ഷണം എന്നിവ നൽകുന്നതിനാണ് വായ്പ അനുവദിച്ചത്.

ഗുരുതരമായ വെല്ലുവിളിയെ നേരിടാൻ ഇന്ത്യയെ പിന്തുണയ്ക്കുന്ന കാര്യത്തിൽ ബാങ്ക്​ പ്രതിജ്ഞാബദ്ധമാണെന്ന് എ.ഡി.ബി പ്രസിഡന്റ് മസാത്​സുഗു അസകാവ പറഞ്ഞു. കോവിഡ്​ പാക്കേജി​​െൻറ ഭാഗമാണ് ദ്രുതഗതിയിൽ വിതരണം ചെയ്യുന്ന ഈ വായ്​പയെന്ന്​ അദ്ദേഹം അറിയിച്ചു.

ഇന്ത്യയുടെ കോവിഡ് -19 പ്രതിരോധ പരിപാടികളെ എ.ഡി.ബി പിന്തുണക്കും. രാജ്യത്തെ ദരിദ്രരും ദുർബലരുമായ ജനങ്ങൾക്ക് സഹായമെത്തുന്നുണ്ട്​ എന്ന്​ ഉറപ്പാക്കുമെന്നും അസകാവ പ്രസ്താവനയിൽ പറഞ്ഞു.