നടനും എം.പിയുമായ സണ്ണി ഡിയോളിന്​ കോവിഡ്​

ന്യൂഡൽഹി: ബോളിവുഡ്​ നടനും ഗരുദാസ്​പൂരിൽ നിന്നുള്ള ബി.ജെ.പി എം.പിയുമായ സണ്ണി ഡിയോളിന്​ കോവിഡ്​ സ്​ഥിരീകരിച്ചു. ചൊവ്വാഴ്​ച ഹിമാചൽ പ്രദേശ്​ ആരോഗ്യ മന്ത്രാലയം സെക്രട്ടറിയാണ്​ ഇക്കാര്യം അറിയിച്ചത്​.

കഴിഞ്ഞ കുറച്ച്​ ദിവസമായി സംസ്​ഥാനത്തെ കുളു ജില്ലയിലാണ്​ നടൻ താമസിച്ച്​ വരുന്നത്​. മുംബൈയിൽ വെച്ച്​ തോൾ ശസ്​ത്രക്രിയക്ക്​ വിധേയനായ 64 കാരൻ മണാലിക്ക്​ സമീപമുള്ള ഫാംഹൗസിൽ വിശ്രമത്തിലായിരുന്നു.

സണ്ണിയും സുഹൃത്തുക്കളും തിരികെ മുംബൈയിലേക്ക്​ മടങ്ങാൻ ഒരുങ്ങവേയാണ്​ പരിശോധന ഫലം പുറത്തു വന്നത്​.