ടി.വി സീരിയലിൽ ഹെൽമറ്റില്ലാ യാത്ര; നടിക്ക് 500 രൂപ പിഴയിട്ട് പൊലീസ്

മംഗളൂരു: ഹെൽമറ്റ് ധരിക്കാതെ പിൻസീറ്റിൽ യാത്രക്കാരി സഞ്ചരിക്കുന്ന രംഗം അഭിനയിച്ച ടി.വി സീരിയൽ നടിക്ക് 500 രൂപ പിഴ. ബംഗളൂരു രാജാജി നഗർ പൊലീസ് സ്റ്റേഷൻ പരിധിയിലെ നന്ദിനി ലേഔട്ടിൽ വെള്ളിയാഴ്ച ചിത്രീകരിച്ചതാണ് രംഗം. ഇത് ജനങ്ങൾക്ക് തെറ്റായ സന്ദേശം നൽകുമെന്ന് ചൂണ്ടിക്കാട്ടി മംഗളൂരുവിലെ ജയപ്രകാശ് എക്കൂർ നൽകിയ പരാതിയിലാണ് നടപടി.

പരാതി മംഗളൂരു സിറ്റി പൊലീസ് കമീഷണർ അനുപം അഗർവാൾ ട്രാഫിക് പൊലീസിന് കൈമാറി. ഇതേത്തുടർന്ന് ട്രാഫിക് നിയമം ലംഘിച്ചതിന് രാജാജി നഗർ പൊലീസ് നടിക്കും ഇരുചക്ര വാഹന ഉടമക്കും പിഴ ചുമത്തി.