മുംബൈയിൽ മെട്രോ കാർ ഷെഡിനു വേണ്ടി മരം മുറി; പ്രതിഷേധിച്ചവർ പിടിയിൽ

മുംബൈ: മുംബൈ മെട്രോയുടെ കാർ ഷെഡ്​​ നിർമ്മിക്കുന്നതിനായി​​ മരം മുറിച്ചുമാറ്റുന്നതിൽ പ്രതിഷേധിച്ച പരിസ്ഥിത ി പ്രവർത്തകർ പിടിയിൽ. അരേ കോളനിയിൽ മരം മുറിക്കാനെത്തിയ അധികൃതർക്ക്​ മുമ്പിൽ പ്രതിഷേധവമായെത്തിയ ഇരുന്നൂറോളം പേരാണ്​ പിടിയിലായത്​. മരം മുറിക്കുന്നതിനെതിരെ നൽകിയ നാല്​ ഹരജികൾ ബോംബെ ഹൈകോടതി തള്ളിയതോടെയാണ്​ അധികൃതർ മരങ്ങൾ മുറിച്ചുമാറ്റുന്ന പ്രവർത്തനങ്ങളുമായി മുന്നോട്ടു പോയത്​. ഹരജികൾ കോടതി തള്ളി, നാല്​ മണിക്കൂറിനകം തന്നെ മെട്രോ അധികൃതർ മരംമുറിക്കുന്ന പ്രവർത്തനങ്ങളുമായി മുന്നോട്ടുപോയിരുന്നു. 2500ഓളം മരങ്ങളാണ്​ വെട്ടിമാറ്റുന്നത്​.

കോളനിക്കകത്തേക്ക്​ പ്രവേശിക്കുന്നത്​​ പൊലീസ്​ ​വിലക്കിയതിനാൽ അരേ കോളനിയുടെ പുറത്ത്​ രാത്രിയിലും പ്രതിഷേധക്കാർ തമ്പടിച്ചിരുന്നു. മരങ്ങൾ നിയമവിരു​ദ്ധമായാണ്​ മുറിക്കുന്നതെന്നും അധികൃതർ രാത്രിയുടെ മറവിൽ മരങ്ങൾ മുറിക്കാൻ ശ്രമിക്കുകയാണെന്നും​ പ്രതിഷേധക്കാർ ആരോപിച്ചു.

മരംമുറിക്കാൻ അനുവദിക്കുന്ന ​ഉത്തരവ്​ വെബ്​സൈറ്റിൽ പ്രസിദ്ധീകരിച്ച്​ 15 ദിവസം കഴിഞ്ഞതിനു ശേഷമേ മരം മുറിക്കാൻ പാടുള്ളൂ എന്നാണ്​ പരിസ്ഥിതിവാദികളുടെ വാദം. ‘‘അരേ മെട്രോ കാർ ഷെഡിനു വേണ്ടി മരം മുറിക്കാൻ അനുവദിച്ചുകൊണ്ടുള്ള ഉത്തരവ്​ മുൻസിപ്പൽ കോർപ്പറേഷൻ ഓഫ്​ ഗ്രേറ്റർ മുംബൈ വെബ്​​ൈസറ്റിൽ അപ്​​േലാഡ്​ ചെയ്​തത്​ ഒക്​ടോബർ നാലിന്​ വൈകുന്നേരമാണ്​. അതേ ദിവസം രാത്രിയിൽ മരം മുറി തുടങ്ങി. വാരാന്ത്യമായതിനാലും ദസറ ആയതിനാലും കോടതി അടച്ചിരിക്കുകയാണ്​. ഞങ്ങൾക്ക്​ ഈ ഉത്തരവിനെ കോടതിയിൽ ചോദ്യം ചെയ്യാൻ സമയം ആവശ്യമാണ്​. കോടതി വീണ്ടും തുറക്കുമ്പോ​േ​ഴക്കും വനം നഷ്​ടപ്പെട്ടിരിക്കും’’-പ്രതിഷേധക്കാർ വ്യക്തമാക്കുന്നു.