ആക്​ടിവിസ്​റ്റുകളുടെ അറസ്​റ്റിനെതിരായ ഹരജി സുപ്രീം കോടതിയിൽ

ന്യൂഡൽഹി: ഭീമ - കൊരെഗാവ്​ സംഘർഷവുമായി ബന്ധപ്പെട്ട്​ അഞ്ച്​ ആക്​ടിവിസ്​റ്റുകളെ മാ​േവാവാദി ബന്ധം ആരോപിച്ച്​ അറസ്​റ്റ്​ ചെയ്​തതിൽ പ്രതിഷേധം ശക്​തമാകുന്നു. ആക്​ടിവിസ്​റ്റുകളെ അറസ്​റ്റ്​ ചെയ്​ത പുണെ പൊലീസി​​​​​​​െൻറ നടപടിയെ ചോദ്യം ചെയ്​ത്​ റോമില ഥാപ്പർ ഉൾപ്പെടെ അഞ്ച്​ സന്നദ്ധ പ്രവർത്തകർ സുപ്രീം കോടതിയിൽ ഹരജി നൽകി. അഞ്ചു സംസ്​ഥാനങ്ങളിൽ പുണെ പൊലീസ്​ നടത്തിയ പരിശോധനയിലാണ്​ ആക്​ടിവിസ്​റ്റുകളെ അറസ്​റ്റ്​ ചെയ്​തത്​. 

ഥാപ്പറിനെ കൂടാതെ ദേവ്​കി ജെയ്​ൻ, പ്രഭാത്​ പട്​നായ്​ക്​, സതീഷ്​ ദേശ്​പാണ്ഡെ, മായ ദരുവാല എന്നിവരാണ്​ ഹരജി സമർപ്പിച്ചത്​. ആക്​ടിവിസ്​റ്റുകളുടെ അറസ്​റ്റ്​ സ്​റ്റേ ചെയ്യുക, സ്വതന്ത്ര അന്വേഷണം പ്രഖ്യാപിക്കുക എന്നീ ആവശ്യങ്ങളുന്നയിച്ചാണ്​ ഹരജി നൽകിയത്​. ആക്​ടിവിസ്​റ്റുകളുടെ അറസ്​റ്റിൽ മഹാരാഷ്​ട്ര സർക്കാറിനോട്​ വിശദീകരണം ആവശ്യപ്പെടണമെന്നും ഹരജിയിൽ പറയുന്നു.

കേസ്​ ഭരണഘടനാ ബെഞ്ച്​ പരിഗണിക്കണമെന്ന്​ ആവശ്യപ്പെട്ട്​ മുതിർന്ന അഭിഭാഷകരായ അഭിഷേക്​ മനു സിങ്​വി, ദുഷ്യന്ത്​ ദേവ്​, ഇന്ദിര ജെയ്​സിങ്​ എന്നിവർ ചീഫ്​ ജസ്​റ്റിസിനു മുന്നിൽ ഹാജരായി. ഇന്ന്​ 3.45ന്​ മൂന്നംഗ ബെഞ്ച്​ കേസ്​ പരിഗണിക്കുമെന്നും അപ്പോൾ ഹാജരാകാനും അഭിഭാഷകരോട്​ ചീഫ്​ ജസ്​റ്റിസ്​ ആവശ്യപ്പെട്ടു. 

അഭിഭാഷക സുധ ഭരധ്വാജ്​, കവി വരവര റാവു, മാധ്യമപ്രവർത്തകൻ ഗൗതം നവ്​ലഖ, മനുഷ്യാവകാശ പ്രവർത്തകൻ അരുൺ ഫെരാരിയ, വെർനോൺ ഗോൺസാൽവസ്​ എന്നിവരെയാണ്​ കഴിഞ്ഞ ദിവസം പുണെ പൊലീസ്​ അറസ്​റ്റ്​ ചെയ്​തത്​. അഞ്ചു സംസ്​ഥാനങ്ങളിൽ നടത്തിയ പരി​േശാധനക്ക്​ ശേഷമായിരുന്നു​ അറസ്റ്റ്​​​. ക്രിമിനൽ ഗൂഢാലോചന, സമൂഹത്തിൽ സംഘർഷം സൃഷ്​ടിക്കൽ, നിയമ വിരുദ്ധ പ്രവർത്തനങ്ങൾ നടത്തി തുടങ്ങിയ കുറ്റങ്ങൾ ചുമത്തിയാണ്​ ഇവരെ അറസ്​റ്റ്​ ചെയ്​തത്​. സുധ ഭരദ്വാജി​​​​​​​െൻറയും ഗൗതം നവ്​ലഖയുടെയും  അറസ്​റ്റ്​ ആഗസ്​ത്​ 30 വരെ കോടതി തടഞ്ഞിരുന്നു. ഇരുവരും വീട്ടുതടങ്കലിലാണ്​.