ബംഗളൂരു ബലാത്സംഗ കേസിലെ പ്രതിയെ കോഴിക്കോട് നിന്ന് പിടികൂടി

ബംഗളൂരു: ബംഗളൂരുവിൽ അടുത്തിടെ ഉണ്ടായ ബലാത്സംഗ കേസിലെ പ്രതിയെ കോഴിക്കോട് നിന്ന് അറസ്റ്റ് ചെയ്തു. മൂന്ന് സംസ്ഥാനങ്ങളിലായി 700 ലധികം സി.സി.ടി.വി കാമറകൾ പരിശോധനക്ക് ഒടുവിലാണ് പ്രതിയെ പിടികൂടിയത്. ബംഗളൂരുവിലെ ജാഗ്വാർ ഷോറൂമിൽ ഡ്രൈവറായി ജോലി ചെയ്യുന്ന സന്തോഷ് എന്നയാളെയാണ് അറസ്റ്റ് ചെയ്തത്. ഇയാൾക്കെതിരെ ബി.എൻ.എസ് നിയമ പ്രകാരം ലൈംഗിക പീഡനം ഉൾപ്പടെയുള്ള ഡവകുപ്പുകൾ ചുമത്തി പൊലീസ് കേസ് രജിസ്റ്റർ ചെയ്തു.

ഭാ​ര​തി ലേ​ഔ​ട്ട് ഫ​സ്റ്റ് ക്രോ​സി​ൽ ക​ഴി​ഞ്ഞ ദി​വ​സം പു​ല​ർ​ച്ച 1.55 ഓ​ടെ​യാ​ണ് സം​ഭ​വം. കൂ​ട്ടു​കാ​രി​ക്കൊ​പ്പം ന​ട​ന്നു​വ​രു​ക​യാ​യി​രു​ന്ന യു​വ​തി​യെ പി​ന്തു​ട​ർ​ന്നു​വ​ന്ന ഒ​രാ​ൾ പെ​ട്ടെ​ന്ന് ക​യ​റി​പ്പി​ടി​ക്കു​ക​യാ​യി​രു​ന്നു. യു​വ​തി ഒ​ച്ച​വെ​ച്ച​തോ​ടെ ഇ​യാ​ൾ ഓ​ടി ര​ക്ഷ​പ്പെ​ട്ടു. കുറ്റകൃത്യത്തിന്റെ സി.സി.ടി.വി ദൃശ്യങ്ങൾ സോഷ്യൽ മീഡിയയിൽ പ്രചരിച്ചിരുന്നു.

പ്രതിയെ തിരിച്ചറിയുന്നതിനും കണ്ടെത്തുന്നതിനുമായി ഒന്നിലധികം സംഘങ്ങൾ പ്രവർത്തിക്കുന്നുണ്ടെന്ന് ബംഗളൂരു പൊലീസ് കമ്മീഷണർ ബി. ദയാനന്ദ നേരത്തെ പറഞ്ഞിരുന്നു. സി.സി.ടി.വി പരിശോധനയുടെ അടിസ്ഥാനത്തിൽ പ്രതിയെ കണ്ടെത്താനുള്ള ശ്രമങ്ങൾ തുടരുകയാണെന്നും 300 ലധികം സ്ഥലങ്ങളിൽ പരിശോധന ആരംഭിച്ചതായി അദ്ദേഹം പറഞ്ഞു.

ബം​ഗ​ളൂ​രു​വി​ലെ ഒ​രോ ഏ​രി​യ​യി​ലും പൊ​ലീ​സ് പ​ട്രോ​ളി​ങ് ഊ​ർ​ജി​ത​മാ​ക്കാ​ൻ നി​ർ​ദേ​ശം ന​ൽ​കി​യ​താ​യി ആ​ഭ്യ​ന്ത​ര മ​ന്ത്രി ഡോ. ​ജി.​പ​ര​മേ​ശ്വ​ര പ​റ​ഞ്ഞു. ബം​ഗ​ളൂ​രു പോ​ലെ​യു​ള്ള വ​ൻ ന​ഗ​ര​ങ്ങ​ളി​ൽ അ​വി​ടെ​യും ഇ​വി​ടെ​യു​മെ​ല്ലാം ഇ​ത്ത​രം സം​ഭ​വ​ങ്ങ​ൾ അ​ര​ങ്ങേ​റാ​റു​ണ്ടെ​ന്നും എ​ന്നാ​ൽ, ബം​ഗ​ളൂ​രു​വി​ൽ പൊ​ലീ​സ് സാ​ന്നി​ധ്യം ശ​ക്ത​മാ​യ​തി​നാ​ൽ ഇ​ത്ത​രം സം​ഭ​വ​ങ്ങ​ൾ താ​ര​ത​മ്യേ​ന കു​റ​വാ​ണെ​ന്നും അ​ദ്ദേ​ഹം അ​ഭി​പ്രാ​യ​പ്പെ​ട്ടു. ബം​ഗ​ളൂ​രു​വി​ൽ ഇ​ത്ത​രം സം​ഭ​വ​ങ്ങ​ൾ ന​ട​ക്കു​മ്പോ​ഴെ​ല്ലാം വ​ൻ മാ​ധ്യ​മ ശ്ര​ദ്ധ ല​ഭി​ക്കു​ന്നു​ണ്ടെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.