Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമുതിർന്ന വനിതയോട്​...

മുതിർന്ന വനിതയോട്​ മോശമായി പെരുമാറിയ എ.ബി.വി.പി നേതാവിന്​​ എയിംസ്​ ബോർഡ്​ അംഗമായി നിയമനം

text_fields
bookmark_border
മുതിർന്ന വനിതയോട്​ മോശമായി പെരുമാറിയ എ.ബി.വി.പി നേതാവിന്​​ എയിംസ്​ ബോർഡ്​ അംഗമായി നിയമനം
cancel
camera_alt

ഡോ. സുബ്ബയ്യ ഷൺമുഖം

ന്യൂഡൽഹി/ചെന്നൈ: ​ചെന്നൈയിൽ അയൽവാസിയായ മുതിർന്ന വനിതയോട്​ മോശമായി പെരുമാറിയെന്ന്​ ആരോപണമുയർന്ന എ.ബി.വി.പി നേതാവിന്​​ മധുരയിലെ ആൾ ഇന്ത്യ ഇൻസ്​റ്റിറ്റ്യൂട്ട്​ ഓഫ്​ മെഡിക്കൽ സയൻസസ്​ (എ.ഐ.ഐ.എം.എസ്​) ബോർഡ്​ അംഗമായി നിയമനം. എ.ബി.വി.പി ദേശീയ അധ്യക്ഷനായ ഡോ. സുബ്ബയ്യ ഷൺമുഖത്തെയാണ്​ എയിംസ്​ ബോർഡ്​ അംഗമായി നിയമിച്ച്​ ചൊവ്വാഴ്​ച കേന്ദ്ര ആരോഗ്യ-കുടുംബക്ഷേമ മന്ത്രാലയം ഉത്തരവിറക്കിയത്​.

കുറച്ചു മാസങ്ങൾക്ക്​ മുമ്പാണ്​ ചെന്നൈയിലെ ത​െൻറ അപ്പാർട്​മെൻറിന്​ തൊട്ടടുത്ത്​ താമസിക്കുന്ന 62കാരിയുടെ വാതിൽപടിയിൽ ഷൺമുഖം മൂത്രമൊഴിച്ചതായി പരാതി ഉയർന്നത്​. ഇതി​െൻറ സി.സി.ടിവി ദൃശ്യങ്ങൾ സമൂഹ മാധ്യമങ്ങളിൽ പ്രചരിച്ചിരുന്നു. ത​െൻറ പാർക്കിങ്​ സ്​ഥലം ഉപയോഗിക്കുന്നതിന്​ പണം നൽകണമെന്ന്​ സ്​ത്രീ ആവശ്യപ്പെട്ടതാണ്​ എ.ബി.വി.പി നേതാവിനെ ചൊടിപ്പിച്ചത്​. ഫോണിലും ഇയാൾ മോശമായി പെരുമാറിയതായി അവരുടെ കുടുംബം ആരോപിച്ചിരുന്നു.


സംഭവത്തിൽ സ്​ത്രീയുടെ കുടുംബം പൊലീസിൽ പരാതി നൽകിയിരുന്നു. ഷൺമുഖത്തിനെതിരെ കേസ്​ രജിസ്​റ്റർ ചെയ്യുകയും ചെയ്​തു. എന്നാൽ, സമ്മർദമുപയോഗിച്ച്​ പരാതി പിൻവലിച്ചുവെന്ന്​ റിപ്പോർട്ടുകളുണ്ടായിരുന്നു. അതേസമയം, പരാതി പിൻവലിച്ചിട്ടില്ലെന്നും ഇത്തരമൊരാളെ എയിംസ്​ ബോർഡിൽ നിയമിച്ചത്​ അസ്വീകാര്യമാ​െണന്നും സ്​ത്രീയുടെ ബന്ധുക്കളിലൊരാൾ പ്രതികരിച്ചു.

കിൽപോക്​ മെഡിക്കൽ കോളജിലെ സർജിക്കൽ ഓ​ങ്കോളജി ഡിപാർട്​മെൻറ്​ തലവനാണി​പ്പോൾ സുബ്ബയ്യ ഷൺമുഖം. 'ഞാൻ തെ​റ്റൊന്നും ചെയ്​തിട്ടില്ല. എ​െൻറ നിയമനം തീർത്തും അക്കാദമിക്​ യോഗ്യതകളുടെ അടിസ്​ഥാനത്തിലാണ്​. മറ്റു എയിംസിലും ഒരു ഐ.ഐ.ടിയിലും ഞാൻ നിലവിൽ ബോർഡംഗമാണ്​' -പുതിയ നിയമനത്തെക്കുറിച്ചുയർന്ന വിവാദത്തിൽ എ.ബി.വി.പി നേതാവ്​ 'എൻ.ഡി.ടി.വി'യോട്​ പ്രതികരിച്ചു.


തമിഴ്​നാട്​ രാഷ്​ട്രീയത്തിലും നിയമനം വിവാദങ്ങളുയർത്തുന്നുണ്ട്​. ഷൺമുഖത്തി​െൻറ മോശമായ പെരുമാറ്റത്തിനുള്ള അംഗീകാരമാണോ പുതിയ സ്​ഥാനലബ്​ധിയെന്ന്​ ഡി.എം.കെ നേതാവ്​ കനിമൊഴി ട്വിറ്ററിൽ ചോദ്യമുന്നയിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ABVPAIIMSDr Subbiah Shanmugham
News Summary - ABVP Leader Who Allegedly Harassed Chennai Woman Appointed To AIIMS Board
Next Story