എ.ബി.പി സി-വോട്ടർ സർവേ പുറത്ത്​: യു.പിയിൽ ബി.ജെ.പിക്ക്​ വൻ തകർച്ച

ന്യൂഡൽഹി: ദേശീയ ചാനലായ എ.ബി.പി ന്യൂസ്​ 2019 ലോക്​സഭാ തെരഞ്ഞെടുപ്പിന്​ മുന്നോടിയായുള്ള സർവേ ഫലം പുറത്തുവിട്ടു. ​േയാഗി ആദിത്യ നാഥ്​ വൻ ഭൂരിപക്ഷത്തിന്​ വിജയിച്ച ഉത്തർ പ്രദേശിൽ ബി.ജെ.പിക്ക്​ വൻ തകർച്ചയായിരിക്കുമെന്നാണ്​ സി-വോട്ടർ​ സർവേ പ്രവചിക്കുന്നത്​. മമതാ ബാനർജി നയിക്കുന്ന മഹാഘട്​ബന്ധനിൽ ഉൾപെട്ട സമാജ്​വാദി പാർട്ടി, ബഹുജൻ സമാജ്​വാദി പാർട്ടി, രാഷ്​​ട്രീയ ലോക്​ദൾ എന്നിവരുടെ സഖ്യം 51 സീറ്റുകൾ യു.പിയിൽ നേടുമെന്നും അതേസമയം ബി.ജെ.പി നയിക്കുന്ന എൻ.ഡി.എ സഖ്യത്തിന്​ 25 സീറ്റുകൾ മാത്രമായിരിക്കും ലഭിക്കുകയെന്നാണ്​ സർവേ ഫലം പറയുന്നു.

2014 ലോക്​സഭാ തെരഞ്ഞെടുപ്പിനെ അപേക്ഷിച്ച്​ ബി.ജെ.പിയുടെ സീറ്റുകളുടെ എണ്ണം 73ൽ നിന്നും 25ആയി കുറയും.​ മഹാ സഖ്യത്തിന്​ 43 ശതമാനവും എൻഡിഎക്ക്​ 42 ശതമാനവുമായിരിക്കും വോട്ടുകൾ ലഭിക്കുകയെന്നും സർവേ പറയുന്നു. അതേ സമയം കോൺഗ്രസ്​ പ്രിയങ്ക ഗാന്ധിയെ കളത്തിലിറക്കും മു​േമ്പ പുറത്തുവിട്ട സർവേയാണ്​ ഇതെന്ന്​ എ.ബി.പി അറിയിച്ചിട്ടുണ്ട്​. പ്രിയങ്കയുടെ വരവോടെ ഫലത്തിൽ വലിയ മാറ്റം വന്നേക്കാമെന്നും അവർ ചൂണ്ടിക്കാട്ടുന്നു.

കോൺഗ്രസ്​ യു.പിയിൽ ഒറ്റക്ക്​ മത്സരിക്കുന്നത്​ മഹാഘട്​ബന്ധനിനേക്കാൾ ബാധിക്കുക ബി.ജെ.പിയെയാണെന്നും സി വോട്ടർ സർവേയിൽ പറയുന്നു. യു.പിയിൽ ബി.ജെ.പി 18 സീറ്റി​േലക്ക്​ ചുരുങ്ങി​യേക്കുമെന്ന ഇന്ത്യാ ടുഡെയുടെ സർവേ കഴിഞ്ഞ്,​ ദിവസങ്ങൾക്കകമാണ് ബി.ജെ.പിക്ക്​ വൻ തിരിച്ചടിയായി എ.ബി.പി ന്യൂസി​​​​​​െൻറ സി വോട്ടർ സർവേ വരുന്നത്​. ഇന്ത്യയിലെ ഏറ്റവും ജനസംഖ്യയുള്ള സംസ്ഥാനം വരുന്ന ​േലാക്​സഭ തെരഞ്ഞെടുപ്പിൽ ബി.ജെ.പിയുടെ ഏറ്റവും ഭയപ്പെടുത്തുന്ന സ്വപ്​നമായി മാറുമെന്നാണ്​ സർവേകൾ ചൂണ്ടിക്കാട്ടുന്നത്​.