പഴം, പച്ചക്കറി വിതരണം ഉറപ്പ്​ വരുത്തുമെന്ന്​ കേന്ദ്ര കൃഷി വകുപ്പ്​

ന്യൂഡൽഹി: പഴം, പച്ചക്കറി പോലുള്ള അവശ്യ വസ്​തുക്കളുടെ വിതരണം ഉറപ്പ്​ വരുത്തുന്നതിന്​ 1600 മൊത്ത വിതരണ ചന്തകൾ ര ാജ്യത്ത്​ പ്രവർത്തിക്കുന്നുണ്ടെന്ന്​ കേന്ദ്ര കൃഷി വകുപ്പ്​. 300 എണ്ണം വെള്ളിയാഴ്​ച പ്രവർത്തനം തുടങ്ങുമെന്നും കൃഷി വകുപ്പ്​ ഉദ്യോഗസ്​ഥനെ ഉദ്ധരിച്ച്​ വാർത്താ ഏജൻസി റിപ്പോർട്ട്​ ചെയ്​തു.

‘ലോക്​ഡൗൺ’ രണ്ട്​ ദിവസമായപ്പോൾ തന്നെ അവശ്യ വസ്​തുക്കളുടെ വിതരണം നിലക്കുന്നതായി ആശങ്ക ഉയർന്നിരുന്നു. ഇത്​ പരിഹരിക്കാൻ അടിയന്തര ഇടപെടലുകൾ ആവശ്യമാണ്​. 1600 മൊത്ത വിതരണ ചന്തകളും വ്യാഴാഴ്ച നല്ല നിലയിൽ പ്രവർത്തിച്ചിട്ടുണ്ടെന്നാണ്​ കേ​ന്ദ്ര സർക്കാർ വിലയിരുത്തുന്നത്​. 300 എണ്ണം കൂടി തുടങ്ങുന്നതോടെ ആശങ്ക പരിഹരിക്കാനാകുമെന്ന പ്രതീക്ഷയിലാണ്​ അധികൃതർ.

പഴം, പച്ചക്കറി വിതരണം ഉറപ്പ്​ വരുത്തുന്നതിന്​ സംസ്​ഥാന സർക്കാറുകളോടും സംസ്​ഥാന സർക്കാർ ഏജൻസികളോടും കേന്ദ്ര കൃഷി വകുപ്പ്​ നിരന്തരം ബന്ധപ്പെടുന്നുണ്ടെന്ന്​ ഉന്നത ഉദ്യോഗസ്​ഥൻ വാർത്ത ഏജൻസിയോട്​ പറഞ്ഞു.