Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightനടുറോഡിൽ വമ്പനൊരു...

നടുറോഡിൽ വമ്പനൊരു കുഴി; ബംഗളൂരുവിലെ ടെക്കികൾ ചെയ്തത് എന്താണെന്നറിയാമോ...

text_fields
bookmark_border
pothole bamgaluru 097896
cancel

റോഡിലെ കുഴികൾക്കെതിരായ പ്രതിഷേധം മലയാളികൾക്ക് പുതുമയുള്ളതല്ല. റോഡിൽ വാഴവെച്ചുള്ള പ്രതിഷേധം, കുഴിയിൽ കിടന്നും ചെളിവെള്ളത്തിൽ കുളിച്ചുമുള്ള പ്രതിഷേധം, ശയനപ്രദക്ഷിണം, തുടങ്ങി വിവിധയിനം പ്രതിഷേധ പരിപാടികൾ കാലങ്ങളായി നടന്നുവരുന്നുണ്ട്. എന്നാൽ, ഇതിൽ നിന്നെല്ലാം വ്യത്യസ്തമായ രീതിയിലാണ് ടെക്കികളുടെ നഗരമായ ബംഗളുരുവിലെ ചെറുപ്പക്കാർ റോഡിലെ കുഴികൾക്കെതിരെ പ്രതിഷേധിച്ചത്.




ബംഗളൂരുവിലെ ബെല്ലന്ദൂരിൽ റോഡിലുണ്ടായ കുഴി അടക്കാൻ പരാതികൾ നിരവധി കൊടുത്തിട്ടും അധികൃതർ തിരിഞ്ഞുനോക്കിയില്ല. ഇതോടെ ഒരാൾ ഗൂഗിൾ മാപ്പിൽ കുഴി പ്രത്യേകം രേഖപ്പെടുത്തി 'അബിസേഴ്സ് കുഴി (Abizer's Pothole)' എന്ന് പേരിട്ട് ലൊക്കേഷനായി നൽകുകയായിരുന്നു. 'ബംഗളൂരുവിന്‍റെ ചരിത്രത്തിലെ നാഴികക്കല്ലായ സ്ഥലം' എന്ന് റിവ്യൂ നൽകുകയും ചെയ്തു. ഇതിന് പിന്നാലെ നിരവധി പേർ വന്ന് റോഡിലെ കുഴി റിവ്യൂ ചെയ്യുകയായിരുന്നു.


'നഗരത്തിലെ മുൻനിര കുഴിയാണിത്. നിരവധി കടകളും സ്കൂളുകളും അടുത്തുതന്നെയുണ്ട്' എന്ന് മറ്റൊരാൾ റിവ്യൂ ചെയ്തു. 'അത്ഭുതകരമായി ഡിസൈൻ ചെയ്തെടുത്ത കുഴി, കൃത്യമായ സ്ഥലം. അത് നിങ്ങളെ നിമിഷങ്ങൾക്കൊണ്ട് താഴേക്ക് കൊണ്ടുപോകുകയും ഭൂമിക്ക് മുകളിലേക്ക് കൊണ്ടുവരികയും ചെയ്യും. ദിവസം ചെല്ലുംതോറും ഇത് വളരുകയും സമൂഹത്തിൽ വലിയ സ്വാധീനമുണ്ടാക്കുകയും ചെയ്യുന്നുണ്ട്' -ഇങ്ങനെ തുടങ്ങുന്നു മറ്റൊരാളുടെ കമന്‍റ്.


കുഴിയെ കുറിച്ചുള്ള രസകരമായ റിവ്യൂകൾ സമൂഹമാധ്യമങ്ങളിൽ തരംഗമായി. ഇതോടെ ഇനിയെങ്കിലും അധികൃതർ ഇടപെടുമെന്നായിരുന്നു ഇവരുടെ പ്രതീക്ഷ. എന്നാൽ, സംഭവിച്ചത് മറ്റൊന്നാണ്. അധികൃതർ കുഴിയടച്ചില്ലെന്ന് മാത്രമല്ല, കുഴിയുടെ പേരിൽ ഗൂഗിൾ മാപ്പിൽ നൽകിയ ലാൻഡ്മാർക്ക് റിപ്പോർട്ട് ചെയ്ത് ഒഴിവാക്കുകയും ചെയ്തു.


എന്നാൽ, ടെക്കികളുണ്ടോ വിടുന്നു. ഉടൻ പ്രത്യക്ഷപ്പെട്ടു അതേ കുഴി 'New Abizer's Pothole' എന്ന പുതിയ പേരിൽ. ഇതിനും സമീപവാസികളും യാത്രക്കാരും റിവ്യൂ നൽകിക്കൊണ്ടിരിക്കുകയാണ്.



Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:potholepothole reviewAbizers Pothole
News Summary - Abizers Pothole removed from GMaps, but now we have another one
Next Story