ത്രിപുര ലക്ഷ്യമിട്ട്​ തൃണമൂൽ; സെപ്​റ്റം. 15ന്​ അഭിഷേക്​ ബാനർജിയുടെ വൻ റാലി അഗർത്തലയിൽ

അഗർത്തല: ത്രിപുരയിൽ ചുവടുപ്പിക്കുകയെന്ന ലക്ഷ്യത്തോടെ മുതിർന്ന നേതാവ്​ അഭിഷേക്​ ബാനർജിയെ കളത്തിലിറക്കി തൃണമൂൽ കോൺഗ്രസ്​. സെപ്​റ്റംബർ 15ന്​ തൃണമൂലിന്‍റെ ദേശീയ ജനറൽ സെക്രട്ടറി കൂടിയായ അഭിഷേക്​ സംസ്​ഥാനത്ത്​ വൻ റാലിയിൽ പ​ങ്കെടുക്കും.

രണ്ടുമാസത്തിനിടെ രണ്ടുതവണ ബാനർജി ത്രിപുര സന്ദർശിച്ചിരുന്നു. സംസ്​ഥാനത്ത്​ തൃണമൂൽ സംഘടിപ്പിക്കുന്ന ആദ്യ വമ്പർ റാലിയാകും ഇത്​. അഗർത്തലയിലെ റാലിക്ക്​ ശേഷം തൃണമൂൽ നേതൃത്വത്തിൽ പദയാത്രയും നടത്തും. റാലിക്കിടെ ഒരു ബി.ജെ.പി എം.എൽ.എ തൃണമൂലിലെത്തുമെന്നാണ്​ വിവരം.

ഒരാഴ്ചയായി അക്രമസംഭവങ്ങൾക്ക്​ സാക്ഷ്യം വഹിക്കുകയായിരുന്നു ത്രിപുര. ബി.ജെ.പി -സി.പി.എം സംഘർഷത്തിൽ നിരവധി പേർക്ക്​ പരിക്കേൽക്കുകയും ചെയ്​തിരുന്നു.

'ദുർഭരണത്തിന്‍റെ ഇടമായി ത്രിപുര മാറി. നിലവിൽ ഫാഷിസ്റ്റ്​ ഭരണമാണ്​ ത്രിപുരയിൽ. ജനങ്ങൾ മാറ്റം ആഗ്രഹിച്ച്​ തുടങ്ങി. സെപ്​റ്റംബർ 15ന്​ അഭിഷേക്​ ബാനർജിയുടെ നേതൃത്വത്തിൽ വൻ റാലി സംഘടിപ്പിക്കും. ഇത്​ മാറ്റങ്ങളുടെ തുടക്കമാകും' -തൃണമൂൽ നേതാവ്​ സുബാൽ ഭൗമിക്​ പറഞ്ഞു.

അതേസമയം, തൃണമൂൽ കോൺഗ്രസിന്‍റെ ആരോപണങ്ങൾക്കെതിരെ ബി.ജെ.പി നേതാവ്​ രംഗത്തെത്തി. 'അവർ പുറത്തുനിന്ന്​ ആളുകളെ കൊണ്ടുവന്ന്​ ജനങ്ങളെ കൂട്ടുന്നു. സമാധാനപരമായ സംസ്​ഥാനമാണ്​​ ത്രിപുര. എന്നാൽ അവർ ഇവിടെ ആശയകുഴപ്പങ്ങൾ സൃഷ്​ടിക്കുന്നുണ്ട്​. അവരെ പിന്തുണക്കുന്ന ആരും ഇവിടെയില്ല' -ബി.ജെ.പി നേതാവ്​ പറഞ്ഞു.

നേരത്തേ അഭിഷേക്​ ബാനർജിയുടെ ത്രിപുര സന്ദർശനം വൻ വിവാദങ്ങൾക്ക്​ വഴിതെളിയിച്ചിരുന്നു. തുടർന്ന്​ അക്രമ സംഭവങ്ങളും അരങ്ങേറിയിരുന്നു. ഇതിൽ അഭിഷേക്​ ബാനർജിക്കെതിരെ കേസെടുത്തിട്ടുണ്ട്​. ഇതിനുപിന്നാലെയാണ്​ അഭിഷേക്​ ബാനർജി വീണ്ടും ​ത്രിപുരയി​െലത്തുക. കോൺഗ്രസ്​ വിട്ട്​ അടുത്തിടെ തൃണമൂലിൽ എത്തിയ സുസ്​മിത ദേവിയും ​10 ദിവസ​േത്താളമായി ത്രിപുരയിൽ ക്യാമ്പ്​ ചെയ്യുന്നുണ്ട്​.