അഭിനന്ദൻ വർധമാൻ ഇന്ത്യയിലെത്തി; വരവേൽപ്പോടെ രാജ്യം

ന്യൂഡൽഹി: പാക്​ കസ്​റ്റഡിയിലായിരുന്ന വ്യോമസേന വിങ്​ കമാൻഡർ അഭിനന്ദ്​ വർധമാനെ ഇന്ത്യക്ക് കൈമാറി. രാത്രി ഒമ്പത്​ 20 ഒാടെയാണ്​ പാകിസ്​താൻ റേഞ്ചേഴ്​സി​​​​െൻറ അകമ്പടിയോടെ അഭിനന്ദിനെ വാഗാ അതിർത്തി വഴി ഇന്ത്യയിലെത്തിച്ചത്​. ഇന്ത്യയിലെത്തിയ അഭിനന്ദിനെ ബി.എസ്​.എഫ്​ ഏറ്റുവാങ്ങി.

റെഡ് ക്രോസിൻെറ മെഡിക്കൽ പരിശോധനകളടക്കമുള്ള നിരവധി നടപടി ക്രമങ്ങൾക്കും പ്രോട്ടോകോളുകൾക്കും പിന്നാലെയാണ് സൈനികനെ പാകിസ്താൻ ഇന്ത്യക്ക് കൈമാറിയത്. എയർ വൈസ് മാർഷൽസ്-ആർ.ജി.കെ കപൂർ, ശ്രീകുമാർ പ്രഭാകരൻ എന്നിവരാണ് അഭിനന്ദിനെ സ്വീകരിച്ചത്.

അഭിനന്ദിനായി പ്രത്യേക വിമാനം പാകിസ്താനിലേക്ക് അയക്കാമെന്ന്​ ഇന്ത്യ അറിയിച്ചിരുന്നുവെങ്കിലും പാകിസ്​താൻ ഇത് നിഷേധിക്കുകയായിരുന്നു. വൻസുരക്ഷയോടെയാണ് അഭിനന്ദനെ ഇന്ത്യക്ക് കൈമാറാനായി വാഗയിൽ എത്തിച്ചത്. ലാഹോറിൽ നിന്ന് വാഗാ- അത്താരി അതിർത്തിയിലേക്കുള്ള വഴിയിൽ ഇന്ത്യൻ ഹൈകമീഷനിലെ ഉദ്യോഗസ്ഥരും അഭിനന്ദിനൊപ്പമുണ്ടായിരുന്നു. അത്താരിയിൽ നിന്നും അമൃത്സറിലേക്ക് കൊണ്ടു പോകുന്ന അഭിനന്ദിനെ പ്രത്യേക വിമാനത്തിൽ ഡൽഹിയിലേക്ക് കൊണ്ടുപോകും. ഇവിടെ നിന്നും ഇന്ത്യൻ എയർഫോഴ്സ് ഇൻറലിജൻസ് യൂണിറ്റിലേക്കാണ് കൊണ്ടുപോകുക.

Visuals from Attari-Wagah border; Wing Commander #AbhinandanVarthaman to be received by a team of Indian Air Force. pic.twitter.com/C4wv14AEAd

— ANI (@ANI) March 1, 2019

വ്യോമസേന കമാൻഡ​റെ ഉച്ചക്ക്​ രണ്ട്​ മണിയോടെ കൈമാറുമെന്നാണ്​ ആദ്യം അറിയിച്ചിരുന്നതെങ്കിലും ഇത്​ നീണ്ടു​ പോവുകയായിരുന്നു. അഭിനന്ദനെ സ്വീകരിക്കാനായി വ്യോമസേനയിലെ ഉന്നത ഉദ്യോഗസ്ഥരും മാതാപിതാക്കളും നൂറുകണക്കിന്​ ആളുകളും വാഗാ അതിർത്തിയിൽ എത്തിയിരുന്നു. അഭിനന്ദിനെ സ്വാഗതം ചെയ്യാൻ 20,000ത്തോളം ഇന്ത്യക്കാർ വാഗാ അതിർത്തിയിൽ എത്തിയിരുന്നു. രാവിലെ തമിഴ്നാട്ടിലെ ഹോം ഗാർഡുകൾ ചെന്നൈയിലെ കലികാംബാൾ ക്ഷേത്രത്തിൽ അഭിനന്ദിനായി ഇന്ന് പ്രത്യേക നന്ദി പ്രാർഥന നടത്തിയിരുന്നു.

അതിനിടെ ജമ്മു-കശ്മീരിലെ നൗഷേരയിൽ പാകിസ്താൻ വെടിനിർത്തൽ കരാർ ലംഘിച്ചതിനെ തുടർന്ന് ഇന്ത്യൻ സൈന്യം തിരിച്ചടിക്കുകയാണ്. ബുധനാഴ്​ച പാക്​ വ്യോമസേന നടത്തിയ ആക്രമണം തടയുന്നതിനിടെയാണ്​ വിങ്​ കമാൻഡർ അഭിനന്ദൻ വർധമാ​​​​ൻ ഉൾപ്പെട്ട മിഗ്​ 21 വിമാനം പാക്​ സൈന്യം വെടിവെച്ച്​ വീഴ്​ത്തിയത്​. തകർന്ന വിമാനത്തിൽ നിന്ന്​ സുരക്ഷിതനായി ഇറങ്ങിയെങ്കിലും അഭിനന്ദൻ പാക്​ സൈന്യത്തിന്‍റെ പിടിയിലാവുകയായിരുന്നു.