അബ്ദുൽ നാസർ മഅ്ദനി ആശുപത്രിയിൽ

ബംഗളുരുവിൽ യാത്രാവിലക്കുകളോടെ കഴിയുന്ന പി.ഡി.പി ചെയർമാനും മതപണ്ഡിതനുമായ അബ്ദുൽ നാസർ മഅ്ദനിയെ ആശുപത്രിയിൽ പ്രവേശിപ്പിച്ചു. രക്തസമ്മർദ്ദം ക്രമാതീതമായി ഉയർന്നതിനെ തുടർന്നാണ് ആശുപത്രിയിൽ പ്രവേശിപ്പിച്ചത്.

എമർജൻസി മെഡിക്കൽ കെയറിന് വേണ്ടി ബാംഗ്ലൂരിൽ ആശുപത്രിയിൽ പ്രവേശിപ്പിച്ചിരിക്കുകയാണെന്നും എല്ലാവരും പ്രാർത്ഥിക്കണമെന്നും ഫേസ്ബുക്ക് പോസ്റ്റിലൂടെ അദ്ദേഹം അഭ്യർഥിച്ചു.

2014 മുതല്‍ സുപ്രീം കോടതി നിര്‍ദേശിച്ച കടുത്ത നിബന്ധനകള്‍ക്ക് വിധേയമായുള്ള ജാമ്യത്തില്‍ ബംഗളൂരുവില്‍ കഴിയുകയാണ് മഅ്ദനി. കേസിന്റെ വിചാരണ നടപടികൾ അനന്തമായി നീട്ടിക്കെണ്ടു പോകുകയാണെന്ന ആക്ഷേപം ശക്തമാണ്.