ബുദ്ധിമുട്ടിൽ ക്ഷമ ചോദിക്കുന്നു -മോദി

ന്യൂഡൽഹി:ലോക്ക്​ഡൗൺ പ്രഖ്യാപിച്ചതുമൂലം ജനങ്ങൾ നേരിട​ുന്ന ബുദ്ധിമുട്ടിൽ താൻ ക്ഷമ ചോദിക്കുന്നതായി പ്രധാനമ ന്ത്രി നരേന്ദ്രമോദി. കോവിഡിനെതിരായ യുദ്ധത്തിൽ വിജയിക്കാൻ കടുത്ത നടപടികൾ അനിവാര്യമാ​െണന്നും അദ്ദേഹം പറഞ്ഞ ു. പ്രതിവാര റേഡിയോ സംഭാഷണ പരിപാടിയായ മൻ കി ബാത്തിൽ സംസാരിക്കുകയായിരുന്നു ​പ്രധാനമന്ത്രി.

‘‘നിങ്ങളുടെ ജീവിതത്തിൽ, പ്രത്യേകിച്ച് പാവപ്പെട്ട ആളുകൾക്ക് ബുദ്ധിമുട്ടുകൾ സൃഷ്ടിച്ച ഈ കഠിനമായ നടപടികൾ സ്വീകരിച്ചതിന് ഞാൻ ക്ഷമ ചോദിക്കുന്നു. നിങ്ങളിൽ ചിലർ എന്നോട്​ ദേഷ്യപ്പെടുമെന്ന് എനിക്കറിയാം. എന്നാൽ ഈ യുദ്ധത്തിൽ വിജയിക്കാൻ ഈ കടുത്ത നടപടികൾ അനിവാര്യമാണ്’’ -മോദി പറഞ്ഞു.

കോവിഡ്​ 19നെതിരെയുള്ള പോരാട്ടം കഠിനമാണ്. അതിന് അത്തരം കഠിനമായ തീരുമാനങ്ങൾ ആവശ്യമാണ്​. ഇന്ത്യയിലെ ജനങ്ങളെ സുരക്ഷിതമായി സൂക്ഷിക്കേണ്ടത് പ്രധാനമാണ്​. മനപൂർവ്വം നിയമങ്ങൾ ലംഘിക്കാൻ ആരും ആഗ്രഹിക്കുന്നില്ലെന്ന് ഞാൻ മനസ്സിലാക്കുന്നു. പക്ഷേ അങ്ങനെ ചെയ്യുന്ന ചില ആളുകളുണ്ട്. അവർ ഈ ലോക്ക്ഡൗൺ പിന്തുടരുന്നില്ലെങ്കിൽ,കൊറോണ വൈറസി​​​​​െൻറ അപകടത്തിൽ നിന്ന് സ്വയം പരിരക്ഷിക്കുക പ്രയാസമാകുമെന്നും അദ്ദേഹം പറഞ്ഞു.

വീടുകളിൽ നിരീക്ഷണത്തിലിരിക്കുന്നവരോട് ചില ആളുകൾ മോശമായി പെരുമാറുന്നുവെന്ന് അറിഞ്ഞപ്പോൾ തനിക്ക്​ വല്ലാതെ വിഷമം തോന്നി. സാമൂഹ്യ അകലം വർധിപ്പിക്കുന്നതിനൊപ്പം വൈകാരിക അകലം കുറക്കണമെന്നും മോദി പറഞ്ഞു.

‘‘കൊറോണ വൈറസുമായി പോരാടുന്ന നിരവധി സൈനികരുണ്ട്. അവർ വീടുകളിൽ നിന്നല്ല, അവരുടെ വീടുകൾക്ക് പുറത്തുനിന്നാണ് പോരാടുന്നത്​. അവരാണ് ഞങ്ങളുടെ മുൻ‌നിര സൈനികർ. പ്രത്യേകിച്ച്, നഴ്‌സുമാർ, ഡോക്ടർമാർ, പാരാമെഡിക്കൽ സ്റ്റാഫ് എന്നീ നിലകളിൽ ജോലിചെയ്യുന്ന നമ്മുടെ സഹോദരങ്ങൾ’’ -മോദി കൂട്ടിച്ചേർത്തു.

LATEST VIDEO