അമാനതുല്ല ഖാൻ എ.എ.പി രാഷ്​ട്രീയകാര്യ സമിതിയിൽ നിന്ന്​ രാജിവെച്ചു

ന്യൂഡൽഹി: ആം ആദ്​മി പാർട്ടി എം.എൽ.എ  അമാനതുല്ല ഖാൻ പാർടിയുടെ രാഷ്​ട്രീയ കാര്യ സമിതിയിൽ  നിന്ന്​ രാജിവെച്ചു. കുമാർ വിശ്വാസ്​ ബി.ജെ.പിക്ക്​ വേണ്ടി പ്രവർത്തിക്കുകയാണെന്ന അമാനതുല്ല ഖാ​​െൻറ   ആരോപണത്തിനെതിരെ ​എ.എ.പി നേതാക്കൾ രംഗത്തുവന്നതിനെ  തുടർന്നാണ്​ രാജി.
കുമാർ വിശ്വാസിനെ എ.എ.പിയിൽ പ്രതിഷ്​ഠിച്ചത്​ ആർഎസ്​എസും ബിജെപിയുമാണെന്നും ഒാഖ്​ല എം.എൽ.എ ആയ  അമാനതുല്ല ആരോപിച്ചിരുന്നു.

എ.എ.പി മന്ത്രിമാരുമായും എം.എൽ.എമാരുമായും സ്വവസതിയിൽ  കൂടിക്കാഴ്​ച നടത്തിയ കുമാർ വിശ്വാസ്​ ഭരണം പിടിച്ചെടുക്കാൻ ശ്രമിച്ചെന്നും ഇത്​ പരാജയപ്പെട്ടാൽ നിരവധി എം.എൽ.എമാർക്കൊപ്പം ബി.ജെ.പിയിൽ ​ ചേരാൻ ശ്രമിച്ചിരുന്നതായും അമാനതുല്ല ഖാൻ ആരോപിച്ചിരുന്നു. ഡൽഹി മുനിസിപ്പൽ കോർപറേഷൻ തെര​ഞ്ഞെടുപ്പിലെ തിരിച്ചടിയെ   തുടർന്ന്​ എ.എ.പിയിൽ ആഭ്യന്തര പ്രശ്​നങ്ങൾ ഉടലെടുത്ത സാഹചര്യത്തിലാണ്​ അമാനതുല്ല ഖാ​​െൻറ ആ​േരാപണം.

അമാനതുല്ല ഖാനെ പാർട്ടിയിൽ നിന്ന്​ പുത്താക്കണമെന്ന്​ മുതിർന്ന നേതാക്കളും 37 എം.എൽ.എമാരും എ.എ.പി നേതാവും ഡൽഹി മുഖ്യമന്ത്രിയുമായ അരവിന്ദ്​ കെജ്​രിജവാളിനോട്​ ആവശ്യപ്പെട്ടിരുന്നു. അമാനതുല്ലയെ രാഷ്​ട്രീയകാര്യ സമിതിയിൽ നിന്ന്​ പുറത്താക്കിയാൽ മാത്രമേ സമിതി യോഗത്തിൽ പ​െങ്കടുക്കുകയുള്ളൂവെന്ന്​      കുമാർ വിശ്വാസും നിലപാട്​ സ്വീകരിച്ചു. അതേസമയം, സഹോദരനെപ്പോലെ  കരുതുന്ന  കുമാർവിശ്വാസിനും തനിക്കുമിടയിൽ വിടവ്​ ഉണ്ടാക്കാൻ ശ്രമിക്കുന്നവർ പാർട്ടിയുടെ   ശത്രുക്കളാണെന്ന്​ കെജ്​രിവാൾ ട്വീറ്റ്​ ചെയ്​തു.