ഷാഹീൻ ബാഗ്​ ജയിച്ചു, ഇന്ത്യയും

ന്യൂഡൽഹി: ഷാഹീൻ ബാഗ്​ മുൻനിർത്തി തെരഞ്ഞെടുപ്പ്​ പ്രചരണം നയിച്ച ബി.ജെ.പിക്ക്​ ഓഖ്​ല മണ്ഡലത്തിൽ ദയനീയ തോൽവി. ര ാജ്യദ്രോഹികളുടെ സമരമായി ഷാഹീൻ ബാഗ്​ സമരത്തെ ചിത്രീകരിക്കുകയും അതിനെ പിന്തുണക്കുന്നവരെ രാജ്യദ്രോഹികളും തീ വ്രവാദികളുമായി മുദ്രാകുത്തുകയുമായിരുന്നു ബി.ജെ.പിയുടെ നേതാക്കൾ.

എന്നാൽ, ഷാഹീൻ ബാഗ്​ ഉൾകൊള്ളുന്ന ഓഖ്​ല മണ ്ഡലത്തിൽ വൻ ഭൂരിപക്ഷത്തിനാണ്​ ആപി​​​െൻറ അമാനത്തുല്ല ഖാൻ ജയിച്ചത്​. ആദ്യഘട്ടത്തിലെ ചില റൗണ്ടുകളിൽ ബി.ജെ.പിയുട െ ബ്രഹം സിങ് ചുരുങ്ങിയ വോട്ടുകൾക്ക്​ മുന്നിലെത്തിയങ്കിലും അവസാന ഘട്ടത്തിൽ വ്യക്തമായ ഭൂരിപക്ഷത്തിൽ ആപ്​ മണ്ഡലം നിലനിർത്തുകയായിരുന്നു. കോൺഗ്രസി​​​െൻറ പർവേസ്​ ഹഷ്​മി മത്സര രംഗത്തുണ്ടായിരുന്നെങ്കിലും കാര്യമായൊന്നും ചെയ്യാൻ കഴിഞ്ഞില്ല.

‘ഗോലി മാരോ’ക്ക്​ ജനം പണികൊടുത്തു
ബി.ജെ.പിയുടെ രണ്ട്​ നേതാക്കൾ കടുത്ത വർഗീയ പ്രസംഗവുമായി പ്രചരണം നടത്തിയ രണ്ട്​ മണ്ഡലങ്ങളും ആപിനെ തുണച്ചു. കേ​ന്ദ്ര മന്ത്രി അനുരാഗ്​ ടാക്കൂറി​​​െൻറ വിവാദമായ ‘ദേശ്​ കെ ഗദ്ദരോൻ കൊ ഗോലി മാരോ’ (രാജ്യദ്രോഹിക​െള വെടിവെച്ചുകൊല്ലണം) പ്രസ്​താവന റിഥാല മണ്ഡലത്തിലെ തെര​ഞ്ഞെടുപ്പ്​ പ്രചരണത്തിനിടെയായിരുന്നു. ഇവിടെ ബി.ജെ.പിയുടെ മനീഷ്​ ചൗധരി ആപി​​​െൻറ മഹീന്ദർ ഗോയലിനോട്​ 1,732 വോട്ടിനാണ്​ പരാജയപ്പെട്ടത്​.

വികാസ്​പുരി മണ്ഡലത്തിലെ പ്രചരണത്തിനിടെയാണ്​ പർവേശ്​​ സിങ്ങി​​​െൻറ വിവാദ പ്രസ്​താവന. ‘ഷാഹീൻ ബാഗ്​ സമരക്കാർ നിങ്ങളുടെ വീടുകളിൽ കടന്നുകയറി സഹോദരിമാരെയും മക്കളെയും ബലാൽസംഗം ചെയ്യുമെന്നായിരുന്നു സിങ്ങി​​​െൻറ പ്രസംഗം. ഇവിടെ ആം ആദ്​മിയുടെ മഹീന്ദർ യാദവ്​ ബി.ജെ.പിയുടെ സഞ്​ജയ്​ സിങ്ങിനെ 29,446 വോട്ടിനാണ്​ പരാജയപ്പെടുത്തിയത്​.​ കെജ്​രിവാളിനെ പർവേശ്​​ സിങ്​ തീവ്രവാദിയെന്ന്​ വിളിച്ച മദിപൂർ മണ്ഡലത്തിൽ ബി.ജെ.പി സ്​ഥാനാർഥി 11,913 വോട്ടിന്​ തോറ്റു.

പെരുമാറ്റച്ചട്ടം ലംഘിച്ചതിനെ തുടർന്ന്​ ടാക്കൂറിനെയും പർവേശ്​ സിങ്ങിനെയും തെരഞ്ഞെടുപ്പ്​ കമ്മീഷൻ സ്​റ്റാർ കാമ്പയിൻ പട്ടികയിൽനിന്ന്​ നീക്കിയിരുന്നു. പിന്നീട്​ 96 മണിക്കൂർ പ്രചരണത്തിന്​ വിലക്കേർപ്പെടുത്തുകയും ചെയ്​തു. സിങ്ങിന്​ 24 മണിക്കൂർ വിലക്കും ഏർപ്പെടുത്തിയിരുന്നു.

ബി.ജെ.പി നേതാവ്​ കപിൽ മിശ്ര കഴിഞ്ഞ ജനുവരി 23ന്​ ഡൽഹി തെരഞ്ഞെടുപ്പ്​ സംബന്ധിച്ച്​ ട്വീറ്റ്​ ചെയ്​തത്​ ഫെബ്രുവരി എട്ടിന്​ ഡൽഹിയിൽ ഇന്ത്യയും പാകിസ്​ഥാനും ഏറ്റുമുട്ടുന്നു എന്നായിരുന്നു. വിജയത്തെ തുടർന്ന്​ ആപി​​​െൻറ ആദ്യപ്രതികരണം ‘ഇന്ത്യ ജയിച്ചു’ എന്നു തന്നൊയായത്​ ഒരു മധുര പ്രതികാരമാണ്​.