ഇഗ്​നോയുടെ പരീക്ഷ ക്രമക്കേട്  വ്യാപ​െത്തക്കാൾ കടുത്തത്​ –ആം ആദ്​മി 

റാ​യ്​​പൂ​ർ: മ​ധ്യ​പ്ര​ദേ​ശി​ലെ വ്യാ​പം കേ​സി​നെ​ക്കാ​ൾ വ​ലു​താ​ണ് ഇ​ന്ദി​ര ഗാ​ന്ധി ഒാ​പ്പ​ൺ യൂ​നി​വേ​ഴ്സി​റ്റി​യു​ടെ ഛത്തി​സ്ഗ​ഡി​ലെ പ​രീ​ക്ഷ ന​ട​ത്തി​പ്പി​ൽ ന​ട​ക്കു​ന്ന ക്ര​മ​ക്കേ​ടെ​ന്ന് ആം ​ആ​ദ്മി പാ​ർ​ട്ടി. ഇ​തി​നു​പി​ന്നി​ൽ വ​ൻ റാ​ക്ക​റ്റാ​ണ് പ്ര​വ​ർ​ത്തി​ക്കു​ന്ന​തെ​ന്നും പാ​ർ​ട്ടി ആ​രോ​പി​ച്ചു. ആം ​ആ​ദ്മി വ​ക്താ​വ് അ​നി​ൽ ബാ​ഗ​ൽ ഇ​ഗ്​​നോ​യു​ടെ പ്രാ​ദേ​ശി​ക കേ​ന്ദ്ര​ങ്ങ​ളി​ലൊ​ന്നി​ൽ പ്ര​വേ​ശ​നം നേ​ടി ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ​രീ​ക്ഷ​ക​ളി​ൽ വ്യാ​പ​ക​മാ​യ ക്ര​മ​ക്കേ​ട് ന​ട​ത്തു​ന്നാ​യി ക​ണ്ടെ​ത്തി​യ​തെ​ന്ന് ആം ​ആ​ദ്മി പാ​ർ​ട്ടി​യു​ടെ അ​ഴി​മ​തി​വി​രു​ദ്ധ വി​ഭാ​ഗം വാ​ർ​ത്ത സ​മ്മേ​ള​ന​ത്തി​ൽ അ​റി​യി​ച്ചു.

റീ​ജ​ന​ൽ സ​െൻറ​റു​ക​ളി​ൽ വി​വി​ധ കോ​ഴ്സു​ക​ളി​ൽ ര​ജി​സ്​​റ്റ​ർ ചെ​യ്ത​വ​ർ 10,000 രൂ​പ ന​ൽ​കി​യാ​ൽ പ​രീ​ക്ഷ​ക്ക് ഒ​രു ദി​വ​സം മു​മ്പ്​ ചോ​ദ്യ​പേ​പ്പ​റു​ക​ളും ഉ​ത്ത​ര​ങ്ങ​ളു​മ​ട​ങ്ങു​ന്ന ബു​ക്ക് ല​ഭി​ക്കും. ഉ​ത്ത​ര​ങ്ങ​ൾ ഒ​പ്പ​മു​ള്ള ഉ​ത്ത​ര​പേ​പ്പ​റി​ൽ പൂ​രി​പ്പി​ച്ച് ന​ൽ​കി​യാ​ൽ മാ​ത്രം മ​തി. ഇ​ത്ത​ര​ത്തി​ൽ പൂ​രി​പ്പി​ച്ച ഉ​ത്ത​ര​ക്ക​ട​ലാ​സു​ക​ൾ പ​രീ​ക്ഷ‍ ഹാ​ളി​ലെ​ത്തി ന​ൽ​കി​യാ​ൽ മ​തി​യെ​ന്ന്​ അ​നി​ൽ ബാ​ഗ​ൽ പ​റ​യു​ന്നു. ര​ണ്ടു വ​ർ​ഷം മു​മ്പ്​ ല​ഭി​ച്ച വി​വ​ര​ത്തെ തു​ട​ർ​ന്നാ​ണ് താ​ൻ ഇ​ഗ്​​നോ​യി​ൽ പ്ര​വേ​ശ​നം നേ​ടി​യ​തെ​ന്നും ബാ​ഗ​ൽ വ്യ​ക്ത​മാ​ക്കി. ന​ട​ക്കാ​നു​ള്ള ഇ​ഗ്​​നോ​യു​ടെ പ​രീ​ക്ഷ​ക​ൾ റ​ദ്ദാ​ക്ക​ണ​മെ​ന്നും സം​ഭ​വ​ത്തി​ൽ മാ​ന​വ വി​ഭ​വ​ശേ​ഷി മ​ന്ത്രാ​ല​യം അ​ന്വേ​ഷ​ണം ന​ട​ത്ത​ണ​മെ​ന്നും ആം ​ആ​ദ്മി പാ​ർ​ട്ടി ആ​വ​ശ്യ​പ്പെ​ട്ടു. 
സം​ഭ​വ​ത്തെ കു​റി​ച്ച് കൂ​ടു​ത​ൽ അ​ന്വേ​ഷ​ണം ന​ട​ത്തു​ക​യാ​ണെ​ന്നും വി​വ​രം അ​ധി​കൃ​ത​രെ അ​റി​യി​ച്ച​താ​യും ഇ​ഗ്​​നോ റീ​ജ​ന​ൽ ഡ​യ​റ​ക്ട​ർ ഡോ.​എ​ച്ച്. സം​ഗീ​ത മ​ജ്ഹി അ​റി​യി​ച്ചു.