അടുത്തവർഷം ആറു സംസ്​ഥാനങ്ങളിൽ മത്സരിക്കും -ആം ആദ്​മി പാർട്ടി

ന്യൂഡൽഹി: അടുത്തവർഷം ആറ്​ സംസ്​ഥാനങ്ങളിലേക്ക്​ നടക്കുന്ന തെര​ഞ്ഞെടുപ്പിൽ മത്സരിക്കുമെന്ന്​ ആം ആദ്​മി പാർട്ടി. ഉത്തർപ്രദേശ്​, ഉത്തരാഖണ്ഡ്​, ഗോവ, ഗുജറാത്ത്​, ഹിമാചൽ പ്രദേശ്​, പഞ്ചാബ്​ എന്നീ സംസ്​ഥാനങ്ങളിലാകും പാർട്ടി മത്സരത്തിന്​ ഇറങ്ങുകയെന്ന്​ എ.എ.പി നേതാവ്​ അരവിന്ദ്​ കെജ്​രിവാൾ പറഞ്ഞു. വ്യാഴാഴ്​ച നടക്കുന്ന ഒമ്പതാമത്​ നാഷനൽ കൗൺസൽ യോഗത്തിൽ സംസാരിക്കുകയായിരുന്നു അദ്ദേഹം.

'ഉത്തർപ്രദേശ്​, ഉത്തരാഖണ്ഡ്​, ഗോവ, ഗുജറാത്ത്​, ഹിമാചൽ പ്രദേശ്​, പഞ്ചാബ്​ എന്നീ സംസ്​ഥാനങ്ങളിലെ നിയമസഭ​ തെരഞ്ഞെടുപ്പിൽ മത്സരിക്കും' -കെജ്​രിവാൾ പറഞ്ഞു. ആറുസംസ്​ഥാനങ്ങളിൽ നാലെണ്ണത്തിൽ ബി.ജെ.പിയാണ്​ അധികാരത്തിൽ.

ഡൽഹിയിൽ ജനുവരി 26ലെ കർഷകരുടെ ട്രാക്​ടർ റാലിക്കി​െടയുണ്ടായ അക്രമങ്ങളിൽ ഉത്തരവാദികൾക്കെതിരെ നടപടിയെടുക്കാൻ സമ്മർദ്ദം ചെലുത്തുമെന്നും കെജ്​രിവാൾ പറഞ്ഞു.