Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബാന്ദ്രയിൽ തൊഴിലാളികൾ ...

ബാന്ദ്രയിൽ തൊഴിലാളികൾ തെരുവിലിറങ്ങാൻ കാരണം കേന്ദ്ര സര്‍ക്കാറി​െൻറ പിടിപ്പുകേട്​ -ആദിത്യ താക്കറെ

text_fields
bookmark_border
ബാന്ദ്രയിൽ തൊഴിലാളികൾ തെരുവിലിറങ്ങാൻ കാരണം കേന്ദ്ര സര്‍ക്കാറി​െൻറ പിടിപ്പുകേട്​ -ആദിത്യ താക്കറെ
cancel

മുംബൈ: മഹാരാഷ്​ട്രയിലെ ബാന്ദ്രയില്‍ നാട്ടിൽ പോകണമെന്നാവശ്യപ്പെട്ട്​ ആയിരക്കണക്കിന് അന്തർ സംസ്​ഥാന തൊഴിലാ ളികൾ തടിച്ചുകൂടിയ സംഭവത്തില്‍ കേന്ദ്രത്തിനെതിരെ വിമർശനവുമായി മുഖ്യമന്ത്രി ഉദ്ധവ്​ താക്കറെയുടെ മകനും മഹാരാഷ ്​ട്ര ടൂറിസം മന്ത്രിയുമായ ആദിത്യ താക്കറെ. കേന്ദ്ര സര്‍ക്കാറി​​െൻറ പിടിപ്പുകേടാണ് ബാന്ദ്രയിലെ പ്രതിഷേധത്തിന ് കാരണമെന്ന്​ ആദിത്യ താക്കറെ പറഞ്ഞു. പരസ്യമായി കേന്ദ്രത്തിനെതിരെ ആദിത്യ താക്കറെ രംഗത്തെത്തിയതോടെ സംസ്ഥാനവും കേന്ദ്രവും തമ്മിലുള്ള വാക്പോരിനാണ് വഴിയൊരുങ്ങി.

‘കേന്ദ്ര സര്‍ക്കാറി​​െൻറ കെടുകാര്യസ്ഥതയാണ്​ ബാന്ദ്രയിലെ നിലവിലെ പ്രശ്നത്തിന് കാരണം. അന്തർ സംസ്​ഥാന തൊഴിലാളികള്‍ക്ക് ഇപ്പോള്‍ ഭക്ഷണമോ താമസസ്ഥലമോ അല്ല, അവര്‍ക്ക് എത്രയും വേഗം നാടുകളിലേക്ക് മടങ്ങണം എന്നതാണ്​ ആവശ്യം. ലോക്​ഡൗണ്‍ നീട്ടുന്നതിന് മുമ്പ് കുടിയേറ്റ തൊഴിലാളികളെ തിരിച്ച് നാട്ടിലെത്തിക്കാന്‍ സൗകര്യവുമൊരുക്കാത്ത കേന്ദ്രത്തി​​െൻറ പിടിപ്പുകേടി​​െൻറ ഫലമാണ് ഈ പ്രതിഷേധം. അവർ വീട്ടിലേക്ക് മടങ്ങാനാണ് ആഗ്രഹിക്കുന്നത്’. ആദിത്യ താക്കറെ ട്വീറ്റ് ചെയ്തു. ആറ് ലക്ഷത്തിലധികം ആളുകൾ മഹാരാഷ്​ട്രയിലുടനീളം അഭയകേന്ദ്രങ്ങളിൽ കഴിയുന്നുണ്ടെന്നും അദ്ദേഹം പറഞ്ഞു.

സംഭവത്തിൽ കേന്ദ്ര ആഭ്യന്തര മന്ത്രി അമിത്ഷാ മഹാരാഷ്​ട്ര മുഖ്യമന്ത്രി ഉദ്ധവ് താക്കറയെ വിളിച്ച് ആശങ്ക പ്രകടിപ്പിച്ചിരുന്നു. അതേസമയം, ശരിയായ ഭക്ഷണവും താമസ സൗകര്യങ്ങളും ഏര്‍പ്പെടുത്താതിനെ തുടര്‍ന്നാണ് കുടിയേറ്റ തൊഴിലാളികള്‍ പ്രതിഷേധത്തിനിറങ്ങിയതെന്ന്​​ മുൻ മുഖ്യമന്ത്രി ദേവേന്ദ്ര ഫഡ്‌നാവിസ്​ ആരോപിച്ചു​. സംസ്ഥാന നേതൃത്വത്തിനാണ് ഉത്തരവാദിത്തമെന്നും അദ്ദേഹം പറഞ്ഞു.

നാട്ടിലേക്ക്​ പോകാൻ സൗകര്യം ഒരുക്കണം എന്ന്​ ആവശ്യപ്പെട്ട്​ ആയിരക്കണക്കിന്​ പേരാണ് ചൊവ്വാഴ്​ച വൈകീട്ട്​ ബാ​ന്ദ്ര റെയിൽവേ സ്​റ്റേഷന്​ സമീപം തടിച്ചുകൂടിയത്​. മെയ്​ മൂന്ന്​ വരെ ലോക്​ഡൗൺ നീട്ടിയതോടെയാണ്​ ഇവർ നാട്ടിൽ പോകണമെന്നാവശ്യവുമായി തെരുവിലിറങ്ങിയത്​. പൊലീസെത്തി​യാണ്​ ഇവരെ റോഡിൽനിന്ന്​ നീക്കി​യത്​.

Show Full Article
TAGS:bhandra railway station Aditya Thackeray covid 19 
News Summary - Aaditya Thackeray blames centre for protest by migrant workers-india news
Next Story