ആധാറും കശ്​മീരി​െൻറ പ്രത്യേകാധികാരവും ഇന്ന്​ സുപ്രിംകോടതിയിൽ 

ന്യൂഡൽഹി: സാമൂഹിക സുരക്ഷാ പദ്ധതികളുടെ ഗുണഫലം ലഭിക്കുന്നതിന്​ ആധാർ കാർഡ്​ നിർബന്ധമാക്കിയ കേന്ദ്ര സർക്കാർ നടപടി​െക്കതിരെ നൽകിയ ഹരജി ഇന്ന്​ സുപ്രീംകോടതി പരിഗണിക്കും. പശ്​​ചിമ ബംഗാൾ സർക്കാറാണ്​ ഹരജി നൽകിയത്​. ഒക്​ടോബർ 25ന്​ കേസ്​ പരിഗമണിക്കവെ ആധാർ കാർഡില്ലാത്തവർക്ക്​ മാർച്ച്​ 31വരെ കാർഡെടുക്കാൻ സമയം നൽകയിട്ടുണ്ടെന്ന്​ അറ്റോർണി ജനറൽ കെ.കെ വേണുഗോപാൽ കോടതിയെ അറിയിച്ചിരുന്നു. 

ആധാറും ഫോൺ നമ്പറും ബന്ധിപ്പിക്കണമെന്ന കേന്ദ്ര സർക്കാർ ഉത്തരവിനെതിരായ ഹരജിയിലും കോടതി ഇന്ന്​ വാദം കേൾക്കും. കൂടാതെ, ജമ്മു കശ്​മീരിന്​ പ്രത്യേകാധികാരം നൽകുന്ന ആർട്ടിക്കിൾ 35(A) റദ്ദാക്കമെന്നാവശ്യപ്പെടുന്ന ഹരജിയും ഇന്ന്​ കോടതി മുമ്പാകെ പരിഗണനക്ക്​ വരും.