60 ലക്ഷം ബാങ്ക്​ അക്കൗണ്ടുകൾ ആധാറുമായി ബന്ധിപ്പിച്ചു– രവിശങ്കർ പ്രസാദ്​

ന്യൂഡൽഹി: 60 ലക്ഷം ബാങ്ക്​ അക്കൗണ്ടുകൾ ആധാറുമായി ബന്ധിപ്പിച്ചെന്ന്​ കേന്ദ്രമന്ത്രി രവിശങ്കർ പ്രസാദ്​. സബ്​സിഡികൾ  ബാങ്ക്​ അക്കൗണ്ടുകൾ വഴി നൽകാൻ തുടങ്ങിയതോടെ 58,000 കോടി ലാഭിക്കാൻ കഴിഞ്ഞു. ഗ്യാസ്​ സബ്​സിഡിക്കായി ഉപയോഗിച്ചിരുന്ന 3 കോടി മില്യൺ വ്യാജ അക്കൗണ്ടുകൾ കണ്ടെത്താൻ സാധിച്ചതായും രവിശങ്കർ പ്രസാദ്​ പറഞ്ഞു.

സാമ്പത്തിക ​ക്രമക്കേടുകൾ നടത്തുന്നവരും വ്യാജ അക്കൗണ്ടുകൾ ഉള്ളവരും മാത്രമേ ആധാറുമായി ബന്ധിപ്പിക്കുന്നതിനെ ഭയക്കുന്നുള്ളു. രാജ്യത്ത്​ മുഴുവൻ സേവനങ്ങളും ഒാൺലൈനിലൂടെ നൽകാനാണ്​ സർക്കാർ ലക്ഷ്യമിടുന്നത്​. സൈബർ സുരക്ഷ ഉറപ്പാക്കാൻ പ്രത്യേക പദ്ധതി  ആസൂത്രണം ചെയ്യുമെന്നും രവിശങ്കർ പ്രസാദ്​ അറിയിച്ചു.