'ജന്മദിനത്തിൽ രണ്ടരക്കോടി ​വാക്​സിൻ നൽകിയപ്പോൾ പനി പിടിച്ചത്​ ഒരു പാർട്ടിക്ക്'; കോൺഗ്രസിനെ ട്രോളി മോദി ​

പനാജി: ത​െൻറ 71ാം ജന്മദിനത്തിൽ രാജ്യം വാക്​സിനേഷനിൽ ലോക റെക്കോഡിട്ടപ്പോൾ​ ഒരു രാഷ്​ട്രീയ കക്ഷിക്ക്​ പനി പിടിച്ചെന്ന്​ പ്രധാനമന്ത്രി മോദി. 'വാക്​സി​െൻറ പാർശ്വഫലമായി പനി ബാധിക്കാറുണ്ടെന്ന്​ ജനം പറയാറുണ്ട്​. എന്നാൽ, ത​െൻറ ജന്മദിനത്തിൽ രണ്ടരക്കോടി വാക്​സിൻ നൽകിക്കഴിഞ്ഞപ്പോൾ ഒരു കക്ഷിക്ക്​ പനി വന്നുവെന്ന്​ കോൺഗ്രസിനെ പേരു പറയാതെ മോദി പരിഹസിച്ചു.

ഗോവയിലെ ആരോഗ്യ പ്രവർത്തകരുമായി വിഡിയോ കോൺഫറൻസ്​ വഴി സംസാരിക്കുകയായിരുന്നു അദ്ദേഹം. 'നിരവധി പിറന്നാളുകൾ പിന്നിട്ടുണ്ട്​. അവ ആഘോഷമാക്കാതെ ഞാൻ വിട്ടുനിന്നതാണ്​. എന്നാൽ, കഴിഞ്ഞ ദിവസം ജീവിതത്തിലെ വൈകാരികത നിറഞ്ഞ ദിവസമായിരുന്നു. നിങ്ങളുടെ ശ്രമങ്ങളാൽ, ഇന്ത്യ ഒരു ദിവസം രണ്ടരക്കോടി വാക്​സിൻ നൽകി. ലോകത്തെ ഏറ്റവും ശക്തരായ രാജ്യങ്ങൾക്കു പോലും സാധ്യമാകാ​ത്ത നേട്ടമാണിത്​''- മോദി പറഞ്ഞു.

ഒന്നര വർഷമായി ആരോഗ്യ പ്രവർത്തകർ കോവിഡ്​ വാക്​സിനേഷൻ യജ്​ഞവുമായി മുന്നിലുണ്ട്​. എന്നാൽ, ഇത്രയും പേർക്ക്​ റെക്കോഡ്​ കുറിച്ച കഴിഞ്ഞ ദിവസം മഹത്തായ കാര്യമാണെന്നും ഒരു ഡോസ്​ ഒരു ജീവൻ രക്ഷിക്കുമെന്നും​ കൂട്ടിച്ചേർത്തു.