പത്രപ്രവർത്തകൻ എഴുതരുതെന്നു​ പറയാൻ കഴിയില്ല -സുപ്രീംകോടതി

ന്യൂ​ഡ​ൽ​ഹി: മ​ല​യാ​ള മാ​ധ്യ​മ​പ്ര​വ​ർ​ത്ത​ക​ൻ സി​ദ്ദീ​​ഖ്​ കാ​പ്പ​ന്​ പി​ന്നാ​ലെ ആ​ൾ​ട്ട്​ ന്യൂ​സ്​ സ​ഹ സ്ഥാ​പ​ക​ൻ മു​ഹ​മ്മ​ദ്​ സു​ബൈ​റി​നെ യു.​പി പൊ​ലീ​സി​ന്‍റെ കൈ​ക​ളി​ൽ എ​ന്നെ​ന്നേ​ക്കു​മാ​യി കു​രു​ക്കി​യി​ടാ​ൻ യോ​ഗി സ​ർ​ക്കാ​റി​​ന്‍റെ അ​ഭി​ഭാ​ഷ​ക ന​ട​ത്തി​യ വാ​ദ​ങ്ങ​ളെ​ല്ലാം ത​ള്ളി​യാ​ണ്​ ജ​സ്റ്റി​സ്​ ച​​ന്ദ്ര​ചൂ​ഡ്​ അ​ധ്യ​ക്ഷ​നാ​യ ബെ​ഞ്ച്​ അ​ദ്ദേ​ഹ​ത്തി​ന്‍റെ മോ​ച​ന​ത്തി​ന്​ വ​ഴി​യൊ​രു​ക്കി​യ​ത്. ഏ​ഴു​ കേ​സു​ക​ളി​ലും കൂ​ടി കേ​വ​ലം 20,000 രൂ​പ​യു​ടെ ആ​ൾ​ജാ​മ്യ​ത്തി​ലാ​ണ്​ സു​ബൈ​റി​​ന്‍റെ മോ​ച​നം സു​പ്രീം​കോ​ട​തി സാ​ധ്യ​മാ​ക്കി​യ​ത്.

കീ​ഴ്​​കോ​ട​തി നി​ർ​ദേ​ശി​ച്ച പോ​ലെ സു​ബൈ​ർ ഭാ​വി​യി​ൽ ട്വീ​റ്റ്​ ഒ​ന്നും ചെ​യ്യ​രു​തെ​ന്ന്​ ഉ​ത്ത​ര​വി​ൽ ഉ​പാ​ധി​യാ​യി ചേ​ർ​ക്ക​ണ​മെ​ന്ന യു.​പി. സ​ർ​ക്കാ​ർ അ​ഭി​ഭാ​ഷ​ക ഗ​രി​മ പ്ര​സാ​ദി​ന്റെ അ​വ​സാ​ന അ​പേ​ക്ഷ​യും കോ​ട​തി ത​ള്ളി. ഒ​രു പ​ത്ര​പ്ര​വ​ർ​ത്ത​ക​ൻ എ​ഴു​ത​രു​തെ​ന്ന്​ ത​ങ്ങ​ൾ​ക്ക്​ പ​റ​യാ​ൻ ക​ഴി​യി​​ല്ലെ​ന്ന്​ ജ​സ്റ്റി​സ്​ ച​ന്ദ്ര​ചൂ​ഡ്​ വ്യ​ക്ത​മാ​ക്കി. ''സു​ബൈ​ർ ഇ​നി ട്വീ​റ്റ്​ ചെ​യ്യി​ല്ലെ​ന്നു​ പ​റ​യാ​ൻ ത​ങ്ങ​ൾ​ക്ക്​ ക​ഴി​യി​ല്ല. ഒ​രു വ​ക്കീ​ലി​നോ​ട്​ നി​ങ്ങ​ൾ കേ​സ്​ വാ​ദി​ക്ക​രു​തെ​ന്നു​ പ​റ​യു​ന്ന​തു​പോ​ലെ​യാ​ണ​ത്.

ഒ​രു പ​ത്ര​പ്ര​വ​ർ​ത്ത​ക​ൻ എ​ഴു​ത​രു​തെ​ന്ന്​ ത​ങ്ങ​ൾ​ക്കെ​ങ്ങ​നെ പ​റ​യാ​ൻ ക​ഴി​യും? നി​യ​മ​ത്തി​നെ​തി​രെ ഏ​തെ​ങ്കി​ലും ട്വീ​റ്റു​ക​ളു​ണ്ടെ​ങ്കി​ൽ അ​ദ്ദേ​ഹം അ​തി​ന്​ ഉ​ത്ത​രം പ​റ​യേ​ണ്ടി​വ​രും. അ​ല്ലാ​തെ ഒ​രാ​ൾ സം​സാ​രി​ക്ക​രു​തെ​ന്ന്​ ഒ​രു മു​ൻ​കൂ​ർ ഉ​ത്ത​ര​വ്​ ത​ങ്ങ​ൾ​ക്കെ​ങ്ങ​നെ പു​റ​പ്പെ​ടു​വി​ക്കാ​ൻ ക​ഴി​യും?'' - ജ​സ്റ്റി​സ്​ ച​​ന്ദ്ര​ചൂ​ഡ്​ ചോ​ദി​ച്ചു. നി​ര​വ​ധി കേ​സു​ക​ളെ​ടു​ത്ത് ക്രി​മി​ന​ൽ ന​ട​പ​ടി​ക​ൾ​ക്ക്​ വി​ധേ​യ​നാ​ക്കി ഒ​രു വ​സ്തു​താ പ​രി​ശോ​ധ​ക​നെ നി​ശ്ശ​ബ്​​ദ​നാ​ക്കു​ന്ന​തി​ന്‍റെ വ്യ​ക്ത​മാ​യ കേ​സാ​ണി​തെ​ന്ന്​ പ്ര​മു​ഖ അ​ഭി​ഭാ​ഷ​ക വൃ​ന്ദ ഗ്രോ​വ​ർ ബോ​ധി​പ്പി​ച്ചു. ഈ ​ഡി​ജി​റ്റ​ൽ കാ​ല​ത്ത്​ തെ​റ്റാ​യ വി​വ​ര​ങ്ങ​ൾ തു​റ​ന്നു​കാ​ണി​ക്കു​ന്ന​ത്​ ചി​ല​രു​ടെ​യൊ​ക്കെ വി​രോ​ധ​ത്തി​നി​ട​യാ​ക്കും. എ​ന്നു​ ക​രു​തി നി​യ​മം അ​യാ​ൾ​ക്കെ​തി​രെ ആ​യു​ധ​മാ​ക്കാ​നാ​വി​ല്ലെ​ന്നും ഗ്രോ​വ​ർ വാ​ദി​ച്ചു. ഫ​ണ്ടി​ങ്ങി​ന്‍റെ കാ​ര്യം യു.​പി അ​ഭി​ഭാ​ഷ​ക ചൂ​ണ്ടി​ക്കാ​ട്ടി​യ​പ്പോ​ൾ അ​തും ഡ​ൽ​ഹി പൊ​ലീ​സ്​ അ​ന്വേ​ഷി​ച്ച​താ​ണെ​ന്നാ​യി​രു​ന്നു ജ​സ്റ്റി​സ് ച​ന്ദ്ര​ചൂ​ഡി​ന്‍റെ മ​റു​പ​ടി.