ഖത്തറിലെ പോലെ ഒരു ഉൽസവം ഇന്ത്യയിലുമുണ്ടാകും, അന്ന് ത്രിവർണ പതാകക്കായി ജനം ആർത്തു വിളിക്കും -മോദി

ഷില്ലോങ്: ഖത്തറിലെ പോലെ ഒരു ഉൽസവം ഒരിക്കൽ ഇന്ത്യയിലും നടക്കുമെന്ന് പ്രധാനമന്ത്രി നരേന്ദ്രമോദി. ​അന്ന് ത്രിവർണ പതാകക്കായി ജനം ആർത്തുവിളിക്കും. അങ്ങനൊരു കാലം വിദൂരമ​ല്ലെന്നും മേഘാലയിലെ ഷില്ലോങ്ങിൽ മോദി പറഞ്ഞു.

ഷില്ലോങ്ങിൽ നോർത്ത് ഈസ്റ്റേൺ കൗൺസിലിന്റെ ജൂബില ആഘോഷങ്ങളിൽ പ​ങ്കെടുക്കുകയായിരുന്നു അദ്ദേഹം.

​''നമ്മളെല്ലാം ഖത്തറിലെ കളിയാണ് നോക്കുന്നത്. അവിടെ കളത്തിൽ ഇറങ്ങിയിരിക്കുന്ന വിദേശ ടീമുകളെ നോക്കുന്നു. അത് പോലൊരു ഉൽസവം ഇന്ത്യയിൽ നമ്മൾ നടത്തും. അന്ന് ത്രിവർണ പതാകക്ക് വേണ്ടി ജനം ആർത്തുവിളിക്കും. നമ്മുടെ യുവതയിൽ എനിക്ക് വിശ്വാസമുണ്ട്. അതിനാൽ ആ കാലം വിദൂരമല്ലെന്ന് എനിക്ക് ഉറപ്പാണ്​''-മോദി പറഞ്ഞു.

കേന്ദ്രമന്ത്രിമാരായ അമിത് ഷാ, ജി. കിഷൻ റെഡ്ഡി എന്നിവരും വടക്കു കിഴക്കൻ സംസ്ഥാനങ്ങളിലെ മുഖ്യമന്ത്രിമാരും പരിപാടിയിൽ പ​ങ്കെടുത്തു.