ബൃന്ദയുടെ പുസ്തകവും വ്യാഖ്യാനവും ചർച്ചയിൽ

ന്യൂ​ഡ​ൽ​ഹി: വ​നി​താ രാ​ഷ്ട്രീ​യ​പ്ര​വ​ർ​ത്ത​ക​യു​ടെ വ്യ​ക്​​തി​ത്വം പാ​ർ​ട്ടി​യി​ൽ അം​ഗീ​ക​രി​ക്ക​പ്പെ​ടു​ന്നു​ണ്ടോ? ഇ​ല്ലെ​ന്ന തു​റ​ന്നു​പ​റ​ച്ചി​ലോ​ടെ സി.​പി.​എം പോ​ളി​റ്റ്​ ബ്യൂ​റോ അം​ഗം ബൃ​ന്ദ കാ​രാ​ട്ട്​ എ​ഴു​തി​യ പു​സ്ത​കം പാ​ർ​ട്ടി​യി​ലും പു​റ​ത്തും സ​ജീ​വ ച​ർ​ച്ച​യി​ൽ.

മു​ൻ ജ​ന​റ​ൽ സെ​ക്ര​ട്ട​റി​യും പോ​ളി​റ്റ്​ ബ്യൂ​റോ അം​ഗ​വു​മാ​യ പ്ര​കാ​ശ്​ കാ​രാ​ട്ടി​ന്‍റെ ജീ​വി​ത​സ​ഖി​യാ​ണ്​ ബൃ​ന്ദ. ഇ​രു​വ​രും പ​തി​റ്റാ​ണ്ടു​ക​ളാ​യി സി.​പി.​എ​മ്മി​ന്‍റെ ദേ​ശീ​യ നേ​തൃ​മു​ഖ​ങ്ങ​ളാ​ണ്. എ​ന്നാ​ൽ, ത​ന്‍റെ സ്വ​ത​ന്ത്ര വ്യ​ക്​​തി​ത്വം അം​ഗീ​ക​രി​ക്കാ​തെ, കാ​രാ​ട്ടി​ന്‍റെ ഭാ​ര്യ മാ​ത്ര​മാ​ക്കി ക​ണ്ടു​വെ​ന്നാ​ണ്​ ബൃ​ന്ദ ‘ആ​ൻ എ​ജു​ക്കേ​ഷ​ൻ ഫോ​ർ റീ​ത’ എ​ന്ന പു​സ്ത​ക​ത്തി​ൽ പ​റ​ഞ്ഞു​വെ​ച്ച​ത്. രാ​ഷ്ട്രീ​യ ഭി​ന്ന​ത​ക​ളു​ടെ സ​ന്ദ​ർ​ഭ​ങ്ങ​ളി​ൽ ഈ ​സ​മീ​പ​നം ശ​ക്​​ത​മാ​യി പ്ര​തി​ഫ​ലി​ച്ചു​വെ​ന്നും അ​വ​ർ പ​റ​യു​ന്നു.

വി​ഷ​യം ച​ർ​ച്ച​യാ​യ​തോ​ടെ, ത​ന്‍റെ വാ​ക്കു​ക​ൾ​ക്ക്​ തെ​റ്റാ​യ വ്യാ​ഖ്യാ​ന​ങ്ങ​ൾ ന​ൽ​കു​ന്നു​വെ​ന്ന്​ ബൃ​ന്ദ പ്ര​തി​ക​രി​ച്ചു. സം​ഘാ​ട​ക എ​ന്ന​നി​ല​യി​ലും വ​നി​താ സം​ഘ​ട​ന​ക​ളു​​​ടെ കൂ​ട്ടാ​യ്മ​ക്കു​വേ​ണ്ടി​യും പ്ര​വ​ർ​ത്തി​ച്ച്​ ത​ന​താ​യ വ്യ​ക്​​തി​ത്വം സ്ഥാ​പി​ച്ചെ​ടു​ക്കു​ന്ന​തി​നി​ട​യി​ൽ ഒ​രു യു​വ വ​നി​ത നേ​രി​ട്ട അ​നു​ഭ​വ​ങ്ങ​ളാ​ണ്​ പു​സ്ത​ക​ത്തി​ൽ താ​ൻ വി​വ​രി​ക്കു​ന്ന​ത്. കാ​രാ​ട്ടി​ന്‍റെ ഭാ​ര്യ മാ​ത്ര​മാ​യി പാ​ർ​ട്ടി ത​ന്നെ ക​ണ്ടു​വെ​ന്ന്​ പ​റ​ഞ്ഞി​ട്ടി​ല്ല -ബൃ​ന്ദ വി​ശ​ദീ​ക​രി​ക്കു​ന്നു.

1985 വ​രെ​യു​ള്ള 10 വ​ർ​ഷ​ത്തെ ജീ​വി​ത​മാ​ണ്​ പു​സ്ത​ക​ത്തി​ൽ വി​വ​രി​ക്കു​ന്ന​ത്. പാ​ർ​ട്ടി​യു​ടെ യു​വ​പ്ര​വ​ർ​ത്ത​ക​യാ​യി​രു​ന്ന കാ​ല​ത്ത്​ ത​ന്‍റെ പ്ര​വ​ർ​ത്ത​ന​ങ്ങ​ളും അ​ഭി​​പ്രാ​യ​ങ്ങ​ളും പ്ര​കാ​ശു​മാ​യു​ള്ള ബ​ന്ധ​വു​മാ​യി ചേ​ർ​ത്തു വാ​യി​ക്ക​പ്പെ​ടു​ന്നു​വെ​ന്ന്​ ഒ​രി​ക്ക​ലും തോ​ന്നി​യി​ട്ടി​ല്ല.

മ​റ്റു പ​രി​ഗ​ണ​ന​ക​ളി​ല്ലാ​തെ അ​ഭി​പ്രാ​യം പ​റ​യാ​ൻ സ്വാ​ത​ന്ത്ര്യ​മു​ണ്ടാ​യി​രു​ന്നു. എ​ന്നാ​ൽ, ദേ​ശീ​യ ത​ല​ത്തി​ൽ കൂ​ടു​ത​ൽ ചു​മ​ത​ല​ക​ളി​ലേ​ക്ക്​ വ​ന്ന​പ്പോ​ൾ ക​മ്യൂ​ണി​സ്റ്റ്, വ​നി​ത, പാ​ർ​ട്ടി പ്ര​വ​ർ​ത്ത​ക എ​ന്നി​ങ്ങ​നെ​യു​ള്ള വ്യ​ക്​​തി​ത്വ​ങ്ങ​ളേ​ക്കാ​ൾ കാ​രാ​ട്ടി​ന്‍റെ ഭാ​ര്യ​യെ​ന്ന വി​ശേ​ഷ​ണ​മാ​ണ്​ കേ​ട്ട​ത്. രാ​ഷ്​​ട്രീ​യ ഭി​ന്ന​ത​ക​ളു​ടെ സ​ന്ദ​ർ​ഭ​ങ്ങ​ളി​ൽ അ​ത്​ കൂ​ടു​ത​ലാ​യെ​ന്നും ബൃ​ന്ദ എ​ഴു​തി.