രാജ്യത്ത്​ കോവിഡ്​ പിടിമുറുക്കുന്നു; ഒറ്റദിവസം 9,996 പുതിയ രോഗികൾ, മരണം 357 

ന്യൂഡൽഹി: രാജ്യത്ത്​ കോവിഡ്​ പടർന്നുപിടിക്കുന്നത്​ ആശങ്ക ഉയർത്തുന്നു. തുടർച്ചായായ ഒമ്പതാം ദിവസവും​ 9,000ത്തിൽ അധികം പേർക്ക്​ കോവിഡ്​ സ്​ഥിരീകരിച്ചു. 

24 മണിക്കൂറിനിടെ രാജ്യത്ത്​ 9,996 പേർക്കാണ്​​ കോവിഡ്​ റിപ്പോർട്ട്​ ചെയ്​തത്​. ഇതോടെ രാജ്യത്ത്​ കോവിഡ്​ ബാധിതരുടെ എണ്ണം 2,86,576 ആയി ഉയർന്നു. ബുധനാഴ്​ച 357 പേർ മരിച്ചു. 8,102 പേരാണ്​ ഇതുവരെ രാജ്യത്ത്​ മരിച്ചത്​. 

ഏറ്റവും കൂടുതൽ പേർക്ക്​ രോഗം സ്​ഥിരീകരിച്ചതും മരണം റിപ്പേർട്ട്​ ചെയ്​തതും മഹാരാഷ്​ട്രയിലാണ്​. 3483 പേരാണ്​ മഹാരാഷ്​ട്രയിൽ മരിച്ചത്​. മഹരാഷ്​ട്രക്ക്​ പുറമെ ഡൽഹി, തമിഴ്​നാട്​, ഗുജറാത്ത്​ എന്നീ സംസ്​ഥാനങ്ങളിലാണ്​ കൂടുതൽ രോഗബാധിതരുള്ളത്​.