99ാം വയസ്സിലും ഈ അമ്മ അന്നമൂട്ടുന്ന തിരക്കിലാണ് -Video
text_fieldsമുംബൈ: ലോക്ഡൗണിൽ കഷ്ടത അനുഭവിക്കുന്ന അന്തർ സംസ്ഥാന തൊഴിലാളികൾക്ക് ഭക്ഷണമൊരുക്കുന്ന മുംബൈയിലെ മുത്തശ്ശിയാണ് ഇപ്പോൾ സമൂഹ മാധ്യമങ്ങളിലെ താരം.
99 വയസ്സുള്ള ഈ അമ്മ തൊഴിലാളികൾക്ക് കൊടുക്കാനായി ഭക്ഷണം തയാറാക്കുന്ന വിഡിയോ വൈറലാവുകയാണ്. 99കാരി റൊട്ടിയിൽ കറി ഒഴിച്ച് അലുമിനിയം ഫോയിൽ ഷീറ്റിൽ പൊതിഞ്ഞ് മാറ്റിവെക്കുന്നതാണ് വിഡിയോയിലുള്ളത്. ഇവരുടെ ബന്ധുവും കറാച്ചിയിൽ അഭിഭാഷകനുമായ സാഹിദ് എഫ്. ഇബ്രാഹിം ട്വിറ്ററിൽ പങ്കുവെച്ച വിഡിയോ നെറ്റിസണുകൾ ഏറ്റെടുക്കാൻ അധികനേരം വേണ്ടി വന്നില്ല.
‘എെൻറ 99 വയസുള്ള ഫുപ്പി (ആൻറി) ബോംബെയിലെ അന്തർ സംസ്ഥാന തൊഴിലാളികൾക്കായി ഭക്ഷണം ഒരുക്കുന്നു’ എന്ന അടിക്കുറിപ്പോടെയാണ് സാഹിദ് വിഡിയോ പങ്കുവെച്ചിരിക്കുന്നത്. സ്നേഹവും കാരുണ്യവും നിറഞ്ഞ ഈ സദ്പ്രവൃത്തിയെ പ്രകീർത്തിച്ച് നിരവധി പേരാണ് രംഗത്തെത്തിയത്.
‘ഇതെെൻറ കണ്ണുകളെ ഇൗറനണിയിച്ചു’ എന്നായിരുന്നു പ്രതികരണങ്ങളിലൊന്ന്. മുത്തശ്ശിയോട് സ്നേഹവും ആദരവും അറിയിക്കണമെന്ന് ചിലർ പറഞ്ഞപ്പോൾ അവർ ഇനിയും വർഷങ്ങളോളം ജീവിക്കട്ടെയെന്ന് ആശംസിച്ചവരും കുറവല്ല.
My 99 year old phuppi prepares food packets for migrant workers in Bombay. pic.twitter.com/jYQtmJZx8k
— Zahid F. Ebrahim (@zfebrahim) May 29, 2020
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.