27 വർഷങ്ങൾക്ക്​ ശേഷം 92 കാരൻ ഹബീബിന്​ തടവറക്ക്​ പുറത്ത്​ നോമ്പുകാലം; ഇനിയും ജയിലിലേക്കയക്കല്ലേയെന്ന്​

ലഖ്​നോ:1994 ജനുവരി 14ന്​ അന്വേഷണ ഉദ്യോഗസ്​ഥർ വിളിച്ചു കൊണ്ടുപോകു​േമ്പാൾ നീണ്ട രണ്ടര പതിറ്റാണ്ടിലധികം കാലം ഇനി പുറംലോകം കാണില്ലെന്ന്​ ഹബീബ്​ അഹമ്മദ്​ ഖാനെന്നെ വയോധികൻ ചിന്തിച്ചിട്ടുപോലുമുണ്ടായിരുന്നില്ല. ബാബരി മസ്​ജിദ്​ തകർത്തതി​െൻറ ആദ്യ വാർഷികത്തിലുണ്ടായ അഞ്ച്​ ട്രെയിൻ സ്​ഫോടനങ്ങളിലാണ്​ ഹബീബ്​ അഹമ്മദ്​ ഖാനെ സി.ബി.​െഎ പ്രതി ചേർത്തത്​. ടാഡ നിയമമാണ്​ ഇയാൾക്കെതിരെ ചുമത്തിയിരുന്നത്​.

16 പേരോടൊപ്പമാണ്​ ഉത്തർപ്രദേശിലെ റായ്​ബറേലിയിൽ നിന്നുള്ള ഹബീബ്​ അഹമ്മദ്​ ഖാനെന്ന ഹോമിയോ ചികിത്സകനെയും പ്രതിചേർത്തിരുന്നത്​. ഇയാൾ കുറ്റമേറ്റതി​െൻറ രേഖ വിചാരണ സമയത്ത്​ സി.ബി.​െഎ ഹാജരാക്കിയിരുന്നു. ജീവപര്യന്തമാണ്​ കോടതി ശിക്ഷ വിധിച്ചത്​. ഇൗ വിധി 2016 ൽ സുപ്രീം കോടതി ശരി വെക്കുകയും ചെയ്​തു.

എന്നാൽ, താ​നൊരിക്കലും കുറ്റം സമ്മതിച്ചിട്ടില്ലെന്നായിരുന്നു അഹമ്മദ്​ ഖാൻ പറഞ്ഞത്​. ഒഴിഞ്ഞ കടലാസുകളിൽ ബലം പ്രയോഗിച്ച്​ തന്നെ കൊണ്ട്​ ഒപ്പിടിയിച്ചിരുന്നുവെന്നും അദ്ദേഹം പറഞ്ഞു. ഇൗ കടലാസുകൾ പിന്നീട്​ കുറ്റസമ്മതമായി അന്വേഷണ ഉദ്യോഗസ്​ഥർ ഹാജരാക്കുകയായിരുന്നുവെന്നാണ്​ അദ്ദേഹം പറഞ്ഞത്​.

ശിക്ഷ വിധിച്ച ശേഷം ജയ്​പൂർ ജയിലിലായിരുന്ന അഹമ്മദ്​ ഖാൻ 27 വർഷത്തിന്​ ശേഷം ഇത്തവണ സ്വന്തം വീട്ടിൽ റമദാൻ ആചരിക്കുകയാണ്​. ഒരു ഇടക്കാല പരോൾ നേടിയാണ്​ അദ്ദേഹം വീട്ടിലെത്തിയത്​. കട​ു​ത്ത ആരോഗ്യ പ്രശ്​നങ്ങൾ കാരണം ദുരിതമനുഭവിക്കുന്ന 92 കാരനായായ അഹമ്മദ്​ ഖാൻ ജയിൽ മോചനത്തിനായി നിരന്തരം ആവശ്യം ഉന്നയിക്കുന്നുണ്ടായിരുന്നു.

കഴിഞ്ഞ ആഴ്​ചയാണ്​ അഹമ്മദ്​ ഖാന്​ സുപ്രീം കോടതി ജൂലൈ വരെ താൽക്കാലിക പരോൾ അനുവദിച്ചത്​. എന്നാൽ, ജയിലിലേക്ക്​ തിരിച്ചു പോകാനാകാത്ത വിധം രോഗിയാണ്​ വയോധികനായ അ​ഹമ്മദ്​ ഖാനെന്നാണ്​ ബന്ധുക്കൾ പറയുന്നത്​.

ഉയർന്ന രക്​ത സമ്മർദവും ഹൃദ്രോഗവും ഉള്ളയാളാണ്​ വയോധികനായ അഹമ്മദ്​ ഖാനെന്ന്​ ജയിൽ രേഖകൾ തന്നെ പറയുന്നു. കാഴ്​ച ശേഷി ഏറെക്കുറെ നഷ്​ടപ്പെട്ട അഹമ്മദ്​ ഖാനെ എന്തിനും പരസഹായം ആവശ്യമുള്ള അവസ്​ഥയിലാണ്​.

വീണ്ടും ജയിലിൽ കിടക്കാനാകാത്ത വിധം രോഗിയായ അഹമ്മദ്​ ഖാനു വേണ്ടി ഹരജികളും നിവേദനങ്ങളും ഏറെ നൽകിയിട്ടുണ്ട്​. പരസഹായമില്ലാതെ നടക്കാൻ പോലും കഴിയാത്ത അഹമ്മദ്​ ഖാന്​ സ്​ഥിരം പരോൾ അ​നുവദിക്കണമെന്ന്​ ജംഇയത്തെ ഉലമ നിയമ സമിതി തലവൻ ഗുൽസാർ അസ്​മി പറയുന്നു.

മനുഷ്യത്വ പരിഗണനയിൽ അഹമ്മദ്​ ഖാന്​ കോടതി സ്​ഥിരം പരോൾ നൽകുകയാണ്​ വേണ്ടതെന്ന്​ അഡ്വ സിദ്ധാർഥ്​ പറയുന്നു.

വെളിച്ചമണഞ്ഞ ജീവിതത്തി​െൻറ സായാഹ്​നത്തിൽ കോടതിയുടെ കാരുണ്യത്തിന്​ കാത്തിരിക്കുകയാണ്​ 92 കാരനായ ആ​ വയോധികൻ. 27 വർഷം നീണ്ട ജയിലോർമകൾ ഇനിയും ആവർത്തിക്കപ്പെടുമെന്ന ഭീഷണി ഒാരോ രാത്രിയിലും ആ വയോധിക​െൻറ സ്വാസ്​ഥ്യം കെടുത്തുകയാണ്​.