മുംബൈയിൽ പുതുതായി 903 കോവിഡ്​ ബാധിതർ; 36 മരണം

മുംബൈ: നഗരത്തിൽ ചൊവ്വാഴ്​ചയോടെ പുതുതായി 903 കോവിഡ്​ ബാധിതർ. 36 മരണവും റിപ്പോർട്ട്​ ചെയ്യപ്പെട്ടതായി ബൃഹൻമുംബൈ മുനിസിപ്പൽ കോർപറേഷൻ. ഇതോടെ മുംബൈയിലെ ആകെ കോവിഡ്​ ബാധിതർ 77,197 ആയി. 

കോവിഡ്​ ബാധിതരായിരുന്ന 625 പേർ രോഗം ഭേദമായതിനെ തുടർന്ന്​ ചൊവ്വാഴ്​ച ആശുപത്രി വിട്ടു. നിലവിൽ 28,473 പേർ ചികിത്സയിലാണ്​. 44,170 പേർ രോഗമുക്തി നേടി. ചൊവ്വാഴ്​ച വരെ 4,554 കോവിഡ്​ ബാധിതരാണ്​ മരണത്തിന്​ കീഴടങ്ങിയത്​.