മഹാരാഷ്​​ട്രയിൽ 900 വ്യാജസിനിമാ വെബ്​സൈറ്റുകൾ കണ്ടെത്തി 

മുംബൈ: സിനിമകൾ വ്യാജമായി ചോർത്തുന്ന 900 വെബ്​സൈറ്റുകൾ മഹാരാഷ്​ട്ര പൊലീസ്​ കണ്ടെത്തി. പൈറസിയുടെ ഉറവിടം കണ്ടെത്തുക എന്ന ലക്ഷ്യത്തോടെ മഹാരാഷ്​ട്ര പൊലീസി​​െൻറ സൈബർ സെൽ ​ ആരംഭിച്ച ദൗത്യത്തി​​െൻറ ഭാഗമായാണ്​ വ്യാജകോപ്പികൾ പ്രചരിപ്പിക്കുന്ന വെബ്​സൈറ്റുകൾ കണ്ടെത്തിയത്​.  
ഭൗതിക സ്വത്തവകാശ നിയമപ്രകാരം ഇൗ വെബ്​സൈറ്റുകൾക്കെതിരെ ക്രിമിനൽ കുറ്റത്തിന്​ പൊലീസിന്​ കേസെടുക്കാവുന്നതാണ്​. 
മോഷൻ പിക്​ച്ചേഴ്​സ്​ അസോസിയേഷൽ ഒാഫ്​ അമേരിക്ക എന്ന ഗ്രൂപ്പുമായി ചേർന്നാണ്​ സൈബർ സെൽ വ്യാജ സിനിമാ സൈറ്റുകളെ തടയാനുള്ള ദൗത്യം ആരംഭിച്ചത്​. പതിനൊന്ന്​ അംഗങ്ങളാണ്​ സംഘത്തിലുള്ളത്​. 

സിനിമകളുടെ തിയേറ്റർ റിലീസിനൊപ്പം അതി​​െൻറ വ്യാജപകർപ്പ്​ വെബ്​സൈറ്റിൽ ഉൾപ്പെടുത്തി ഡൗൺലോഡ്​ ​ചെയ്യാവുന്ന തരത്തിലാണ്​ ഇവ പ്രവർത്തിച്ചിരുന്നത്​. സിനിമകളുടെ പകർപ്പ്​ എടുക്കാനുള്ള വ്യക്തിയും സോഫ്​റ്റ്​വെയർ –ഹാർഡ്​വെയർ എന്നിവയും സംഘടിപ്പിച്ചാൽ സൈറ്റുകൾ എളുപ്പത്തിൽ തുടങ്ങാവുന്നതാണ്​. ഇത്തരം വെബ്​സൈറ്റുകൾക്കെതിരെ നിയമനടപടി എടുക്കുമെന്നും സൈബർ പൊലീസ്​ ഇൻസ്​പെക്​ടർ ജനറൽ ബ്രിജേഷ്​ സിങ്​ അറിയിച്ചു.