നാഗ്പൂർ സെൻട്രൽ ജയിലിൽ ഒമ്പത് തടവുകാർക്ക് കോവിഡ്

നാഗ്പൂർ: നാഗ്പൂർ സെൻട്രൽ ജയിലിൽ ഒമ്പത് തടവുകാർക്ക് കോവിഡ് സ്ഥിരീകരിച്ചതായി മുനിസിപ്പൽ കോർപ്പറേഷൻ ആരോഗ്യ വകുപ്പ്.

ആരോഗ്യ പ്രശ്നങ്ങളെ തുടർന്ന് നാല് ദിവസം മുമ്പ് 12 പേരിൽ കോവിഡ് പരിശോധന നടത്തിയിരുന്നു. ഇതിൽ നാല് പേർ കോവിഡ് പോസിറ്റീവ് ആ‍യി. വെള്ളിയാഴ്ച അഞ്ച് പേർക്ക് കൂടി രോഗം സ്ഥിരീകരിച്ചു. ഇവരെ മാറ്റി പാർപ്പിച്ചിരിക്കുകയാണ്. ഇതോടെ നാഗ്പൂരിൽ 65 കോവിഡ് കേസുകൾ പുതിയതായി റിപ്പോർട്ട് ചെയ്തു. നിലവിൽ 355 കേസുകളാണ് ജില്ലയിലുള്ളത്. 60 പേർ രോഗമുക്തരായി. 1,899 സാമ്പിളുകളാണ് പരിശോധിച്ചത്.