You are here

ഡൽഹി ഹോട്ടലിൽ തീപിടിത്തം; മൂന്ന​ു​ മലയാളികൾ ഉൾപ്പെ​െട 17 മരണം

  • ചോറ്റാനിക്കര, ചേരനല്ലൂർ സ്വദേശികളാണ് മരിച്ചത്

അപകടത്തിൽ മരിച്ച ജയശ്രീ, വിദ്യാസാഗർ, നളിനിയമ്മ

ന്യൂഡൽഹി: കരോൾബാഗിലെ ഹോട്ടലിലുണ്ടായ വൻ തീപിടിത്തത്തിൽ മൂന്നു മലയാളികൾ ഉൾപ്പെടെ 17 പേർ മരിച്ചു. 35 പേർക്ക്​ പരിക്കേറ്റു. ചൊവ്വാഴ്​ച പുലർച്ച നാലു ​മണിയോടെ ഹോട്ടൽ അർപ്പിത പാലസിലാണ്​ തലസ്​ഥാന നഗരിയെ നടുക്കിയ അഗ്​നിബാധ​. എറണാകുളം ചേരാനെല്ലൂർ സ്വദേശിനി നളിനി അമ്മ (85), മക്കളായ പി.സി. വിദ്യാസാഗർ (59), പി.സി. ജയശ്രീ (53) എന്നിവരാണ് മരിച്ച മലയാളികൾ. മൂന്നുപേരും പൊള്ളലേറ്റാണ്​ മരിച്ചത്​. നളിനി അമ്മയുടെ കൂ​െടയുണ്ടായിരുന്ന സഹോദരിയടക്കം ബന്ധുക്കളായ 10 പേർ പരിക്കുകളില്ലാതെ രക്ഷപ്പെട്ടു.

മലയാളികളുടെ മൃതദേഹം ബുധനാഴ്​ച പുലർച്ച എയർ ഇന്ത്യ എക്​സ്​പ്രസിൽ നാട്ടിലെത്തിക്കും. തമിഴ്​നാട്​ സ്വദേശികളായ അരവിന്ദ്​ സുകുമാരൻ, നന്ദകുമാർ എന്നിവരടക്കം മൂന്നുപേർ, മ്യാന്മർ സ്വദേശികളായ രണ്ടുപേർ, ചണ്ഡിഗഢ്​​ സ്വദേശിയായ ​െഎ.ആർ.എസ്​ ഉദ്യോഗസ്​ഥൻ സുരേഷ്​ കുമാർ എന്നിവരുടെ മൃതദേഹങ്ങൾ തിരിച്ചറിഞ്ഞു. 
ആളിപ്പടർന്ന തീയിൽനിന്ന്​ രക്ഷനേടാൻ താഴേക്ക്​ ചാടിയ അമ്മയും കുഞ്ഞും മരിച്ചവരിൽ ഉൾപ്പെടും. മറ്റുള്ളവർ പുക ശ്വസിച്ചും വെന്തുമാണ്​ മരിച്ചത്​.

ഷോർട്ട്​ സർക്യൂട്ടാണ്​ അപകട കാരണം. അഞ്ചു നിലകളുള്ള കെട്ടിടത്തി​​​െൻറ രണ്ടാം നിലയിൽനിന്നാണ്​ തീപടർന്നത്​. മരംകൊണ്ട്​ നിർമിച്ച കോണിയിലും തീപടർന്നതോടെ ആളിക്കത്തി. ടെറസിൽ അനധികൃതമായി നിർമിച്ച റൂഫ് ടോപ്പും തീപിടിച്ച് ആളിക്കത്തിയതോടെ രക്ഷപ്പെടാനായി ടെറസിലേക്ക് ഓടിക്കയറിയവർ ദുരന്തത്തിലകപ്പെട്ടു. ടെറസിൽ ഏറെനേരം തൂങ്ങിക്കിടന്ന് രക്ഷപ്പെടാൻ ശ്രമിച്ച െഎ.ആർ.എസ്​ ഉദ്യോഗസ്​ഥൻ സുരേഷ്​ കുമാർ താഴേക്ക് വീഴുകയായിരുന്നു. 

ഗാസിയാബാദിലുള്ള സഹോദരിയുടെ ചെറുമകളുടെ വിവാഹത്തിനു​ ശേഷം ​ആഗ്ര സന്ദർശിച്ച്​ ഡൽഹിയിലെത്തിയതായിരുന്നു നളിനിയമ്മ അടക്കമുള്ള 13 അംഗ മലയാളി സംഘം. മൂന്നാം നിലയിലായിരുന്ന ഇവരെ ഫയർ ഫോഴ്​സ്​ സംഘമെത്തി ജനൽ തകർത്താണ്​ രക്ഷപ്പെടുത്തിയത്​. ജയശ്രീയെ സംഭവ സ്​ഥലത്തുവെച്ചുതന്നെ തിരിച്ചറിഞ്ഞു.  രണ്ടുപേർക്കു വേണ്ടി നടത്തിയ അന്വേഷണത്തിലാണ് നളിനി അമ്മയുടെയും വിദ്യാസാഗറി​േൻറയും മൃതദേഹങ്ങൾ തിരിച്ചറിഞ്ഞത്. 

24 ഫയർ ഫോഴ്​സ്​ യൂനിറ്റുകൾ ചേർന്ന്​ ഏഴുമണിയോടെയാണ്​ തീ നിയന്ത്രണ വി​േധയമാക്കിയത്​. ഗാസിയാബാദിൽ നിന്നുള്ള ദേശീയ ദുരന്ത നിവാരണ സേനയും രക്ഷാ പ്രവർത്തനത്തിൽ പ​െങ്കടുത്തു. ഹോട്ടലിൽ അപകടം നടക്കു​േമ്പാൾ 150ലധികം പേർ  ഉണ്ടായിരുന്നുവെന്ന്​ ജീവനക്കാർ പറഞ്ഞു​. മൃതദേഹങ്ങൾ രാംമനോഹർ ലോഹ്യ ആശുപത്രി, ലേഡി ഹാർഡിങ്​ ആശുപത്രി, ബി.എൽ.കെ ആശുപത്രി എന്നിവിടങ്ങളിൽ സൂക്ഷിച്ചിരിക്കുകയാണ്. 

മരിച്ചവരുടെ കുടുംബത്തിന് അഞ്ചു ലക്ഷം
ന്യൂഡൽഹി: മരിച്ചവരുടെ കുടുംബത്തിന് ഡൽഹി സർക്കാർ അഞ്ചുലക്ഷം രൂപ നഷ്​ടപരിഹാരം പ്രഖ്യാപിച്ചു. ജുഡീഷ്യൽ അന്വേഷണത്തിന് ഉത്തരവിടുകയും ചെയ്തു. ചൊവ്വാഴ്​ച നടക്കേണ്ടിയിരുന്ന ഡൽഹി സർക്കാറി​​​െൻറ നാലാം വാർഷിക ആഘോഷം റദ്ദ്​ ചെയ്​തു.  അപകടമുണ്ടാവു​േമ്പാൾ രക്ഷപ്പെടുന്നതിനു വേണ്ടിയുള്ള വാതിൽ അടച്ചതായും അനധികൃതമായി രണ്ടുനില അധികം നിർമിച്ചതായും മ​ന്ത്രി സത്യേ​ന്ദ്ര ജയിൻ പറഞ്ഞു. 

രാഷ്​ട്രപതിയും പ്രധാനമന്ത്രിയും അനുശോചിച്ചു 
ന്യൂഡൽഹി: ബുധനാഴ്​ച പുലർച്ച ഡൽഹി കരോൾബാഗിൽ 17 പേർ മരിച്ച സംഭവത്തിൽ രാഷ്​ട്രപതി രാംനാഥ്​ കോവിന്ദ്​, പ്രധാനമന്ത്രി നരേന്ദ്ര മോദി തുടങ്ങിയവർ അനുശോചിച്ചു. കേന്ദ്ര ടൂറിസം മന്ത്രി അൽ​ഫോൻസ്​ കണ്ണന്താനം, ​െലഫറ്റനൻറ്​ ഗവർണർ അനിൽ ബൈജൽ, ഡൽഹി മുഖ്യമന്ത്രി അരവിന്ദ്​ കെജ്​രിവാൾ, എ.​െഎ.സി.സി ജനറൽ സെക്രട്ടറി കെ.സി. വേണുഗോപാൽ, എം.പിമാരായ കൊടിക്കുന്നിൽ സുരേഷ്​ എം.പി, ബിനോയ്​ വിശ്വം, എം.കെ. രാഘവൻ, ആ​േൻറാ ആൻറണി, വി.എം. മുരളീധരൻ, മുൻ ഡൽഹി മുഖ്യമന്ത്രി ഷീല ദീക്ഷിത്​, സി.പി.​െഎ നേതാവ്​ ആനി രാജ തുടങ്ങിയവർ അപകടം നടന്ന സ്​ഥലം സന്ദർശിച്ചു. 

Loading...
COMMENTS